Përkthimi i kuptimeve Surja El Muxhadele - Përkthimi filipinisht (maguindanaoisht) - Qendra

Al-Mujadila

1 : 58

قَدۡ سَمِعَ ٱللَّهُ قَوۡلَ ٱلَّتِي تُجَٰدِلُكَ فِي زَوۡجِهَا وَتَشۡتَكِيٓ إِلَى ٱللَّهِ وَٱللَّهُ يَسۡمَعُ تَحَاوُرَكُمَآۚ إِنَّ ٱللَّهَ سَمِيعُۢ بَصِيرٌ

Saben-sabenal gakineg nu Allah su kadtalu nu babay a pebpalwa sa leka (Muhammad) sa kani kaluma nin, endu pebpanun lu sa Allah, su Allah na gakineg nin su kapendalawana nu, endu sekanin (Allah) i pakakineg a pakailay.

2 : 58

ٱلَّذِينَ يُظَٰهِرُونَ مِنكُم مِّن نِّسَآئِهِم مَّا هُنَّ أُمَّهَٰتِهِمۡۖ إِنۡ أُمَّهَٰتُهُمۡ إِلَّا ٱلَّٰٓـِٔي وَلَدۡنَهُمۡۚ وَإِنَّهُمۡ لَيَقُولُونَ مُنكَرٗا مِّنَ ٱلۡقَوۡلِ وَزُورٗاۚ وَإِنَّ ٱللَّهَ لَعَفُوٌّ غَفُورٞ

Su manga taw a ibelagid nilan si kaluma nilan kani ina nilan na di bun mabaluy a ina nilan ka dala ina nu taw a di kena su mimbata lun, na entuba a kadtalu na supak endu kadusan, endu saben-sabenal su Allah i malimu a mangampun.

3 : 58

وَٱلَّذِينَ يُظَٰهِرُونَ مِن نِّسَآئِهِمۡ ثُمَّ يَعُودُونَ لِمَا قَالُواْ فَتَحۡرِيرُ رَقَبَةٖ مِّن قَبۡلِ أَن يَتَمَآسَّاۚ ذَٰلِكُمۡ تُوعَظُونَ بِهِۦۚ وَٱللَّهُ بِمَا تَعۡمَلُونَ خَبِيرٞ

Su manga (mama) a inilagid nin si kaluma nilan (sa mana bigkubung ni ina nin) mawli na nakadsendit kanu nadtalu nin na mangawn sa ulipen a sakataw sa di pan silan makadtidtu (makantampung), entuba a indawan sa lekanu, katawan nu Allah i galebek nu, mapayag-masulen.

4 : 58

فَمَن لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ مِن قَبۡلِ أَن يَتَمَآسَّاۖ فَمَن لَّمۡ يَسۡتَطِعۡ فَإِطۡعَامُ سِتِّينَ مِسۡكِينٗاۚ ذَٰلِكَ لِتُؤۡمِنُواْ بِٱللَّهِ وَرَسُولِهِۦۚ وَتِلۡكَ حُدُودُ ٱللَّهِۗ وَلِلۡكَٰفِرِينَ عَذَابٌ أَلِيمٌ

Amayka da ulipen na ebpuwasa sa duwa-ulan pedtundug-tundug sa dili pan silan makadtidtu upama di pakagaga na mapakan sa nem-pulu a miskinan, ka endu kanu makapangimbenal sa Allah endu su sinugu nin, entu ba i dulunan nu Allah, endu kanu manga kafir i siksa a masakit.

5 : 58

إِنَّ ٱلَّذِينَ يُحَآدُّونَ ٱللَّهَ وَرَسُولَهُۥ كُبِتُواْ كَمَا كُبِتَ ٱلَّذِينَ مِن قَبۡلِهِمۡۚ وَقَدۡ أَنزَلۡنَآ ءَايَٰتِۭ بَيِّنَٰتٖۚ وَلِلۡكَٰفِرِينَ عَذَابٞ مُّهِينٞ

Saben-sabenal su manga taw a salakaw i agama nin kanu Allah endu su sinugu nin sa lusak den silan sa mana su kinalusak nu manga nangawna sa kanilan, na initulun nami sa leka su manga ayat a mapayag, na kanu manga kafir su siksa a makabinasa sa kanilan.

6 : 58

يَوۡمَ يَبۡعَثُهُمُ ٱللَّهُ جَمِيعٗا فَيُنَبِّئُهُم بِمَا عَمِلُوٓاْۚ أَحۡصَىٰهُ ٱللَّهُ وَنَسُوهُۚ وَٱللَّهُ عَلَىٰ كُلِّ شَيۡءٖ شَهِيدٌ

Su gay a pambuwaten nu Allah silan langun na inggay sa kanilan su balas nu galebek nilan a tinimu nu Allah a nalimpangan nilan, na su Allah kanu langun nu enggaga-isa na katawan nin.

7 : 58

أَلَمۡ تَرَ أَنَّ ٱللَّهَ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۖ مَا يَكُونُ مِن نَّجۡوَىٰ ثَلَٰثَةٍ إِلَّا هُوَ رَابِعُهُمۡ وَلَا خَمۡسَةٍ إِلَّا هُوَ سَادِسُهُمۡ وَلَآ أَدۡنَىٰ مِن ذَٰلِكَ وَلَآ أَكۡثَرَ إِلَّا هُوَ مَعَهُمۡ أَيۡنَ مَا كَانُواْۖ ثُمَّ يُنَبِّئُهُم بِمَا عَمِلُواْ يَوۡمَ ٱلۡقِيَٰمَةِۚ إِنَّ ٱللَّهَ بِكُلِّ شَيۡءٍ عَلِيمٌ

Enduken da nengka katawi na saben-sabenal su Allah na katawan nin su dalem nu langit endu su dalem nu lupa, da magedunga a telu kataw a di kena i ka-pat bun sekanin, u lima na ika-nem sekanin, atawaka paydu pan sa madakel a di kena saleta bun sa kanilan sa apya endaw silan, mawli na inggay nin (Allah) sa umani-isa sa kanilan su balas nu galbek nin sa gay a mawli, ka saben-sabenal su Allah na langun na enggaga-isa na katawan nin.

8 : 58

أَلَمۡ تَرَ إِلَى ٱلَّذِينَ نُهُواْ عَنِ ٱلنَّجۡوَىٰ ثُمَّ يَعُودُونَ لِمَا نُهُواْ عَنۡهُ وَيَتَنَٰجَوۡنَ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِۖ وَإِذَا جَآءُوكَ حَيَّوۡكَ بِمَا لَمۡ يُحَيِّكَ بِهِ ٱللَّهُ وَيَقُولُونَ فِيٓ أَنفُسِهِمۡ لَوۡلَا يُعَذِّبُنَا ٱللَّهُ بِمَا نَقُولُۚ حَسۡبُهُمۡ جَهَنَّمُ يَصۡلَوۡنَهَاۖ فَبِئۡسَ ٱلۡمَصِيرُ

Ngintu dala nengka katawi su manga taw a sinapalan sa kapagedunga mawli na midsaluman bun silan kanu inisapal sa kanilan, na ya nilan pan ipagedunga na kadusan endu di kapagayun endu supak kanu rasul, amayka nawma ka nilan (Muhammad) na salakaw i kad-salamay nilan sa leka, kena mana sa pidtalu nu Kadenan nengka, na ya nilan madtalu sa ginawa nilan: nya ba kasiksan tanu nu Kadenan kanu kadtalu tanu (amayka mawag tanu), na ya bu mataw sa kanilan na su naraka jahannam a magyaw sa kanilan a sangat i kawag nin a kabpawangan.

9 : 58

يَٰٓأَيُّهَا ٱلَّذِينَ ءَامَنُوٓاْ إِذَا تَنَٰجَيۡتُمۡ فَلَا تَتَنَٰجَوۡاْ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِ وَتَنَٰجَوۡاْ بِٱلۡبِرِّ وَٱلتَّقۡوَىٰۖ وَٱتَّقُواْ ٱللَّهَ ٱلَّذِيٓ إِلَيۡهِ تُحۡشَرُونَ

Hay sekanu anan atagin a bamaginugut! Amayka magedunga kanu na da kanu magedunga sa kadusan endu kapamagukag endu supak sa sinugu, endu ya nu ipagedunga na langun na mapiya endu gilek sa Allah, ikagilek nu su Allah ka lu bun sa lekanin i kalimudan nu langun.

10 : 58

إِنَّمَا ٱلنَّجۡوَىٰ مِنَ ٱلشَّيۡطَٰنِ لِيَحۡزُنَ ٱلَّذِينَ ءَامَنُواْ وَلَيۡسَ بِضَآرِّهِمۡ شَيۡـًٔا إِلَّا بِإِذۡنِ ٱللَّهِۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Saben-sabenal su kapagedunga na kana shaytan ka endu malidu i ginawa nu manga bamaginugut, na di nilan bun kagkaydan su manga bamaginugut ya tabya na kahanda nu Allah, endu sekanin a Allah i pedsaligan nu manga bamaginugut.

11 : 58

يَٰٓأَيُّهَا ٱلَّذِينَ ءَامَنُوٓاْ إِذَا قِيلَ لَكُمۡ تَفَسَّحُواْ فِي ٱلۡمَجَٰلِسِ فَٱفۡسَحُواْ يَفۡسَحِ ٱللَّهُ لَكُمۡۖ وَإِذَا قِيلَ ٱنشُزُواْ فَٱنشُزُواْ يَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتٖۚ وَٱللَّهُ بِمَا تَعۡمَلُونَ خَبِيرٞ

Hay sekanu anan a bamaginugut! Amayka pidtalu sa lekanu i kalagi nu su kabpagagayan na kalagi nu, su Allah na kalagan kanu nin sa katamanan, amayka pidtalu i tindeg kanu na tindeg kanu, ka ipulu nu Allah su bangakatan nu manga bamaginugut endu su manga taw a aden ilmu nin, su Allah na katawan nin i langun na galebek nu.

12 : 58

يَٰٓأَيُّهَا ٱلَّذِينَ ءَامَنُوٓاْ إِذَا نَٰجَيۡتُمُ ٱلرَّسُولَ فَقَدِّمُواْ بَيۡنَ يَدَيۡ نَجۡوَىٰكُمۡ صَدَقَةٗۚ ذَٰلِكَ خَيۡرٞ لَّكُمۡ وَأَطۡهَرُۚ فَإِن لَّمۡ تَجِدُواْ فَإِنَّ ٱللَّهَ غَفُورٞ رَّحِيمٌ

Hay sekanu anan a bamaginugut! Amayka ipagedunga nu su rasul na enggay nu su kab-pagedunga nu sa sadaqah ka entu ba i makagkapya sa lekanu endu makasuti sa lekanu, amayka da pakaenggay nu na su Allah i bangampun a malimu.

13 : 58

ءَأَشۡفَقۡتُمۡ أَن تُقَدِّمُواْ بَيۡنَ يَدَيۡ نَجۡوَىٰكُمۡ صَدَقَٰتٖۚ فَإِذۡ لَمۡ تَفۡعَلُواْ وَتَابَ ٱللَّهُ عَلَيۡكُمۡ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱللَّهَ وَرَسُولَهُۥۚ وَٱللَّهُ خَبِيرُۢ بِمَا تَعۡمَلُونَ

Na amayka kalegenan kanu sabap kanu kamiskinan na da paka-enggay nu a sadaqah na upama di kanggalebek intu na di kanu kalipungetan nu Allah, na itindeg nu su sambayang endu inggay nu su zakat nu endu paginugunuti nu su Allah endu su sinugu nin, su Allah na katawan nin i penggalebeken nu.

14 : 58

۞ أَلَمۡ تَرَ إِلَى ٱلَّذِينَ تَوَلَّوۡاْ قَوۡمًا غَضِبَ ٱللَّهُ عَلَيۡهِم مَّا هُم مِّنكُمۡ وَلَا مِنۡهُمۡ وَيَحۡلِفُونَ عَلَى ٱلۡكَذِبِ وَهُمۡ يَعۡلَمُونَ

Ngintu da nengka katawi (Muhammad) su manga taw a binaluy nilan a kaunutan su manga taw a nalipungetan nu Allah? Entu a manga taw na di kena kuyug sa lekanu na di kena bun kuyug sa kanilan endu pedsapa silan sa kalbutan, na katawan nilan bun i pendalbut silan.

15 : 58

أَعَدَّ ٱللَّهُ لَهُمۡ عَذَابٗا شَدِيدًاۖ إِنَّهُمۡ سَآءَ مَا كَانُواْ يَعۡمَلُونَ

Inidtatalanga nu Allah sa kanilan i siksa a mapasang, kagina nakasagad i kawag a penggalebeken nilan.

16 : 58

ٱتَّخَذُوٓاْ أَيۡمَٰنَهُمۡ جُنَّةٗ فَصَدُّواْ عَن سَبِيلِ ٱللَّهِ فَلَهُمۡ عَذَابٞ مُّهِينٞ

Binaluy nilan su sapa nilan a kalbutan sa dalinding nilan sa lawas nilan endu su tamuk nilan, entu ba i di kapembunu sa kanilan, na aden mambu sa kanilan i siksa a makapelusak sa kanilan.

17 : 58

لَّن تُغۡنِيَ عَنۡهُمۡ أَمۡوَٰلُهُمۡ وَلَآ أَوۡلَٰدُهُم مِّنَ ٱللَّهِ شَيۡـًٔاۚ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

Di makabarapantag sa kanilan su manga tamuk nilan, endu su manga wata nilan kanu siksa nu Allah sa kanilan, entu ba a taw na naraka sa da den sa kanilan i makalyu pan silan.

18 : 58

يَوۡمَ يَبۡعَثُهُمُ ٱللَّهُ جَمِيعٗا فَيَحۡلِفُونَ لَهُۥ كَمَا يَحۡلِفُونَ لَكُمۡ وَيَحۡسَبُونَ أَنَّهُمۡ عَلَىٰ شَيۡءٍۚ أَلَآ إِنَّهُمۡ هُمُ ٱلۡكَٰذِبُونَ

Su gay a pambuwaten nu Allah silan, na edsapa pamun silan sa Allah sa mana su kinadsapa nilan sa lekanu sya sa dunya ka ya nilan gatagu sa ginawa na aden bun tindeg nilan, na silan i manga taw a manga malbut.

19 : 58

ٱسۡتَحۡوَذَ عَلَيۡهِمُ ٱلشَّيۡطَٰنُ فَأَنسَىٰهُمۡ ذِكۡرَ ٱللَّهِۚ أُوْلَٰٓئِكَ حِزۡبُ ٱلشَّيۡطَٰنِۚ أَلَآ إِنَّ حِزۡبَ ٱلشَّيۡطَٰنِ هُمُ ٱلۡخَٰسِرُونَ

Pidtampatan silan na Shaytan, na nalimpangan nilan su tadem sa Allah, na langun nu taw a makuyug sa shaytan a silan i nalugi.

20 : 58

إِنَّ ٱلَّذِينَ يُحَآدُّونَ ٱللَّهَ وَرَسُولَهُۥٓ أُوْلَٰٓئِكَ فِي ٱلۡأَذَلِّينَ

Saben-sabenal su manga taw a pedsulangen (pedsupaken) nilan su Allah endu su sinugu nin, entu ba i manga taw a nakalusak.

21 : 58

كَتَبَ ٱللَّهُ لَأَغۡلِبَنَّ أَنَا۠ وَرُسُلِيٓۚ إِنَّ ٱللَّهَ قَوِيٌّ عَزِيزٞ

Inimasad nu Allah lu sa Lawh al-Mahfudh i saki (Allah) endu su manga sinugu ku i temalaw, saben-sabenal su Allah i mabagel a mapulu.

22 : 58

لَّا تَجِدُ قَوۡمٗا يُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ يُوَآدُّونَ مَنۡ حَآدَّ ٱللَّهَ وَرَسُولَهُۥ وَلَوۡ كَانُوٓاْ ءَابَآءَهُمۡ أَوۡ أَبۡنَآءَهُمۡ أَوۡ إِخۡوَٰنَهُمۡ أَوۡ عَشِيرَتَهُمۡۚ أُوْلَٰٓئِكَ كَتَبَ فِي قُلُوبِهِمُ ٱلۡإِيمَٰنَ وَأَيَّدَهُم بِرُوحٖ مِّنۡهُۖ وَيُدۡخِلُهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ رَضِيَ ٱللَّهُ عَنۡهُمۡ وَرَضُواْ عَنۡهُۚ أُوْلَٰٓئِكَ حِزۡبُ ٱللَّهِۚ أَلَآ إِنَّ حِزۡبَ ٱللَّهِ هُمُ ٱلۡمُفۡلِحُونَ

Da maparuli nengka (Muhammad) a manga taw a bangimbenal sa Allah endu gay a mawli sa igkalimuwa nin i taw a supak sa Allah endu su sinugu nin sa apya pa lukes nilan atawaka manga wata nilan atawaka suled nilan atawaka manga pagali nilan, entu ba a manga taw na inisulat kanu manga pusung nilan su iman (pangimbenal) endu binagel nu Allah silan kanu bagel ebpun sa lekanin, endu paludepen nin silan kanu manga surga pelagilay kanu kababan nin i manga ig a madakel i embalangan nin, sa da den sa kanilan i kalyu nilan sa surga, nasuwatan nu Allah silan sabap kanu kapya nilan na nasuwat mambu silan kanu balas a nakwa nilan, saben-sabenal su taw a lu dabpig sa Allah na maka-untung.