Traduzione dei significati Sura At-Takwîr - Traduzione hausa - Abubakar Gomi - L'Enciclopedia del Nobile Corano

Al'takweer

1 : 81

إِذَا ٱلشَّمۡسُ كُوِّرَتۡ

Idan rãna aka shafe haskenta

2 : 81

وَإِذَا ٱلنُّجُومُ ٱنكَدَرَتۡ

Kuma idan taurãri suka gurɓãce (wani ya shiga a cikin wani).

3 : 81

وَإِذَا ٱلۡجِبَالُ سُيِّرَتۡ

Kuma idan duwãtsu aka tafiyar da su.

4 : 81

وَإِذَا ٱلۡعِشَارُ عُطِّلَتۡ

Kuma idan rãƙuma mãsu cikunna* aka sakẽ su wãwai, bã ga kõwa ba.

* Rãƙuma mãsu ciki ɗan wata gõma.

5 : 81

وَإِذَا ٱلۡوُحُوشُ حُشِرَتۡ

Kuma idan dabbõbin dãji aka tattara su.

6 : 81

وَإِذَا ٱلۡبِحَارُ سُجِّرَتۡ

Kuma idan tẽkuna aka mayar da su wuta.

7 : 81

وَإِذَا ٱلنُّفُوسُ زُوِّجَتۡ

Kuma idan rãyuka aka haɗa* su da jikunkunansu.

* Ko kuma, aka haɗa kõwane mutum da irin mutãnensa a Aljanna ko a wuta.

8 : 81

وَإِذَا ٱلۡمَوۡءُۥدَةُ سُئِلَتۡ

Kuma idan wadda aka turbuɗe* ta da rai aka tambaye ta.

* A cikin zãmanin jahiliyya Lãrabãwa bã su son a haifa musu 'ya'ya mãta dõmin haka har sukan turbuɗe 'ya'yansu dõmin kada su yi abin kunya ko kuma su talauce wajen yi musu aure.

9 : 81

بِأَيِّ ذَنۢبٖ قُتِلَتۡ

"Sabõda wane laifi ne aka kashe ta?"

10 : 81

وَإِذَا ٱلصُّحُفُ نُشِرَتۡ

Idan takardun ayyuka aka wãtsa su (ga mãsu su).

11 : 81

وَإِذَا ٱلسَّمَآءُ كُشِطَتۡ

Kuma idan sama aka fẽɗe ta.

12 : 81

وَإِذَا ٱلۡجَحِيمُ سُعِّرَتۡ

Kuma idan Jahĩm aka hũra ta

13 : 81

وَإِذَا ٱلۡجَنَّةُ أُزۡلِفَتۡ

Kuma idan Aljanna aka kusantar da ita.

14 : 81

عَلِمَتۡ نَفۡسٞ مَّآ أَحۡضَرَتۡ

Rai ya san abin da ya halartar (a rãnar nan).

15 : 81

فَلَآ أُقۡسِمُ بِٱلۡخُنَّسِ

To, ba sai Na yi rantsuwa da taurãri matafã* ba.

* Masu tafiya suna kõmawa bãya.

16 : 81

ٱلۡجَوَارِ ٱلۡكُنَّسِ

Mãsu gudu suna ɓũya.

17 : 81

وَٱلَّيۡلِ إِذَا عَسۡعَسَ

Da dare idan ya bãyar da bãya.

18 : 81

وَٱلصُّبۡحِ إِذَا تَنَفَّسَ

Da sãfiya idan ta yi lumfashi.

19 : 81

إِنَّهُۥ لَقَوۡلُ رَسُولٖ كَرِيمٖ

Lalle ne shi (Alƙur'ãni) haƙƙan, maganar wani manzon (Allah) ne mai girma ga Allah.

20 : 81

ذِي قُوَّةٍ عِندَ ذِي ٱلۡعَرۡشِ مَكِينٖ

Mai ƙarfi, mai daraja a wurin Mai Al'arshi.

21 : 81

مُّطَاعٖ ثَمَّ أَمِينٖ

Wanda ake yi wa ɗã'a (wato shugaban malã'iku) ne a can, amintacce.

22 : 81

وَمَا صَاحِبُكُم بِمَجۡنُونٖ

Kuma abokinku ba mahaukaci ba ne.

23 : 81

وَلَقَدۡ رَءَاهُ بِٱلۡأُفُقِ ٱلۡمُبِينِ

Kuma lalle ne, yã gan shi* a cikin sararin sama mabayyani.

* Annabi ya ga Mala'ika Jibirilu ya san shi. Sabõda haka wani aljani bã zai yi kama da shi ba balle ya kãwo masa ƙarya.

24 : 81

وَمَا هُوَ عَلَى ٱلۡغَيۡبِ بِضَنِينٖ

Kuma shi, ga gaibi* bã mai rowa ba ne.

* Ma'anar gaibi a nan, ilmin da Allah Ya aiko Jibirilu da shi zuwa ga Annabi Annabi ba ya ɓõye shi daga mutãne. Ga wata ƙira'a, wanda ake tuhuma, wãto ba a tuhumar Annabi, ga gaibin da ya faɗi cewa daga Allah yake, wato Alƙur'ãni duka gaskiya ne.

25 : 81

وَمَا هُوَ بِقَوۡلِ شَيۡطَٰنٖ رَّجِيمٖ

Kuma shi (Alƙur'ani) bã maganar shaiɗani, wanda aka la'ana, ba ce.

26 : 81

فَأَيۡنَ تَذۡهَبُونَ

Shin, a inã zã ku tafi?

27 : 81

إِنۡ هُوَ إِلَّا ذِكۡرٞ لِّلۡعَٰلَمِينَ

Lalle ne shi (Alƙur'ãni), bã kõme ba ne fãce gargaɗi ga talikai.

28 : 81

لِمَن شَآءَ مِنكُمۡ أَن يَسۡتَقِيمَ

Ga wanda ya so, daga cikinku, ya shiryu.

29 : 81

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Kuma bã zã ku so ba sai idan Allah Ubangijin halitta Yã yarda.