Fassarar Ma'anoni Sura Al'qari'ah - Fassarar Sawahil - Ali Muhsin al-Barwani - Kundin Alqurani Mai girma

Al-Qari'ah

1 : 101

ٱلۡقَارِعَةُ

Inayo gonga!

AL-QAARIA'H, Inayo gonga, ni Kiyama, ambacho kinaanza kwa mpulizo wa mwanzo wa barugumu, na kinaishia itapo katwa hukumu baina ya watu.

2 : 101

مَا ٱلۡقَارِعَةُ

Nini Inayo gonga?

Kitu gani kilicho cha ajabu zaidi katika ukuu wake, na khatari zake na kitisho chake!

3 : 101

وَمَآ أَدۡرَىٰكَ مَا ٱلۡقَارِعَةُ

Na nini kitacho kujuilisha nini Inayo gonga?

Na kitu gani kitacho kujuulisha hali ya AL-QAARIA'H katika kitisho chake juu ya nafsi za watu?

4 : 101

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

Siku ambayo watu watakuwa kama nondo walio tawanyika;

Siku hiyo watu watakuwa kama vipepeo kwa wingi na kuhangaika kulia na kushoto, madhaifu na wanyonge!

5 : 101

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

Na milima itakuwa kama sufi zilizo chambuliwa!

Na milima itakuwa kama sufi iliyo tiwa rangi na kuchambuliwa kwa kutapanyika vipande mbali mbali na kupeperuka katika anga huku na huku.

6 : 101

فَأَمَّا مَن ثَقُلَتۡ مَوَٰزِينُهُۥ

Basi yule ambaye mizani yake itakuwa nzito,

Ama yule ambaye mizani yake itakuwa nzito, mema yake yakapindukia kuliko maovu yake,

7 : 101

فَهُوَ فِي عِيشَةٖ رَّاضِيَةٖ

Huyo atakuwa katika maisha ya kupendeza.

Basi huyo atakuwa na maisha yatayo mridhisha mwenyewe, na nafsi yake itue.

8 : 101

وَأَمَّا مَنۡ خَفَّتۡ مَوَٰزِينُهُۥ

Na yule ambaye mizani yake itakuwa khafifu,

Na ama ambaye mizani yake itakuwa nyepesi, na maovu yake yakazidi kuliko mema yake,

9 : 101

فَأُمُّهُۥ هَاوِيَةٞ

Huyo maskani yake yatakuwa Moto wa Hawiya!

Basi makaazi yake yatakuwa Jahannamu.

10 : 101

وَمَآ أَدۡرَىٰكَ مَا هِيَهۡ

Na nini kitacho kujuilisha nini hiyo?

Na nini cha kukujuulisha ni nini Hawiya?

11 : 101

نَارٌ حَامِيَةُۢ

Ni Moto mkali!

Moto ulio mkali, hapana moto unao fikilia ukali wake, hata ukichochewa vipi na kutiwa kuni gani!