Translation of the Meanings of the Noble Qur'an - Kyrgyz translation of Al-Mukhtsar in interpretation of the Noble Quran
Page Number:
51
:
30
وَلَئِنۡ أَرۡسَلۡنَا رِيحٗا فَرَأَوۡهُ مُصۡفَرّٗا لَّظَلُّواْ مِنۢ بَعۡدِهِۦ يَكۡفُرُونَ
Эгерде Биз алардын эгиндерине жана жашылча-жемиштерине зыян келтире тургандай шамал жиберип, ага чейин жапжашыл болуп турган эгиндери саргайып кеткендерин көрүшсө, анда аны көрүшкөндөн кийин Аллахтын аларга мурун берген көптөгөн жакшылыктарын танып кетишет.
التفاسير:
52
:
30
فَإِنَّكَ لَا تُسۡمِعُ ٱلۡمَوۡتَىٰ وَلَا تُسۡمِعُ ٱلصُّمَّ ٱلدُّعَآءَ إِذَا وَلَّوۡاْ مُدۡبِرِينَ
Сен өлүктөргө сөзүңдү угуза албаган сыяктуу дүлөйлөргө да сөзүңдү угуза албайсың. Алардын укпастыгы анык болуш үчүн алар сенден алыстап кетишти. Ошол сыяктуу эле сен аларга окшоп баш тарткандарды жана пайда албагандарды туура жолго сала албайсың.
التفاسير:
53
:
30
وَمَآ أَنتَ بِهَٰدِ ٱلۡعُمۡيِ عَن ضَلَٰلَتِهِمۡۖ إِن تُسۡمِعُ إِلَّا مَن يُؤۡمِنُ بِـَٔايَٰتِنَا فَهُم مُّسۡلِمُونَ
Ошондой эле сен түз жолдон адашкандарды акыйкат жолго түшүрө албайсың. Биздин аяттарыбызга ыйман келтирип, пайда алуу үчүн уккан адамга гана угуза аласың. Анткени ал сенин айткан сөзүңдөн пайда алат. Мына ошолор Биздин буйруктарыбызга ээрчип, баш ийгендер.
التفاسير:
54
:
30
۞ ٱللَّهُ ٱلَّذِي خَلَقَكُم مِّن ضَعۡفٖ ثُمَّ جَعَلَ مِنۢ بَعۡدِ ضَعۡفٖ قُوَّةٗ ثُمَّ جَعَلَ مِنۢ بَعۡدِ قُوَّةٖ ضَعۡفٗا وَشَيۡبَةٗۚ يَخۡلُقُ مَا يَشَآءُۚ وَهُوَ ٱلۡعَلِيمُ ٱلۡقَدِيرُ
Эй, адамдар! Аллах силерди алсыз суудан жаратты. Андан соң балалык кездеги алсыздыктан кийин киши курактагы күч-кубаттуулукту берди. Андан соң киши курактагы күч-кубаттуулуктан кийин карылык кездеги алсыздыкты берди. Аллах алсыздыктан жана күч-кубаттуулуктан Өзү каалаганды жаратат. Ал бүткүл нерселерди Билүүчү, Ага эч бир нерсе жашыруун эмес. Ал Кудуреттүү, Аны эч ким алсыз кыла албайт.
التفاسير:
55
:
30
وَيَوۡمَ تَقُومُ ٱلسَّاعَةُ يُقۡسِمُ ٱلۡمُجۡرِمُونَ مَا لَبِثُواْ غَيۡرَ سَاعَةٖۚ كَذَٰلِكَ كَانُواْ يُؤۡفَكُونَ
Кыямат күн болгондо күнөөкөрлөр кабырларында аз гана убакыт болдук деп касам ичишет. Алар дүйнөдө акыйкаттан адашып кетишкени сыяктуу аларга кабырларында канча убакыт болгондорун билүүдө да адашышты.
التفاسير:
56
:
30
وَقَالَ ٱلَّذِينَ أُوتُواْ ٱلۡعِلۡمَ وَٱلۡإِيمَٰنَ لَقَدۡ لَبِثۡتُمۡ فِي كِتَٰبِ ٱللَّهِ إِلَىٰ يَوۡمِ ٱلۡبَعۡثِۖ فَهَٰذَا يَوۡمُ ٱلۡبَعۡثِ وَلَٰكِنَّكُمۡ كُنتُمۡ لَا تَعۡلَمُونَ
Аллах илим берген пайгамбарлар жана периштелер минтип айтышат: «Силер Аллах Таала илими менен жазган алгачкы жаралган күнүңөрдөн баштап, өзүңөр ишенбей четке каккан кайра тирилүү күнүңөргө чейин турдуңар. Бирок, силер кайра тирилүүнү билбей туруп, ага каапыр болгонсуңар".
التفاسير:
57
:
30
فَيَوۡمَئِذٖ لَّا يَنفَعُ ٱلَّذِينَ ظَلَمُواْ مَعۡذِرَتُهُمۡ وَلَا هُمۡ يُسۡتَعۡتَبُونَ
Ал күнү Аллах бүткүл адамдарды, жиндерди, жан-жаныбарларды сурак үчүн жана сыйлык же жаза бериш үчүн кайра тирилтет. Заалымдарга алар ойлоп тапкан шылтоолору пайда бербейт жана алардан Аллахты ыраазы кылыш үчүн тообо кылуу да, Ага кайтуу да талап кылынбайт. Анткени анын убактысы өтүп кеткен.
التفاسير:
58
:
30
وَلَقَدۡ ضَرَبۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖۚ وَلَئِن جِئۡتَهُم بِـَٔايَةٖ لَّيَقُولَنَّ ٱلَّذِينَ كَفَرُوٓاْ إِنۡ أَنتُمۡ إِلَّا مُبۡطِلُونَ
Биз адамдарга камкордук кылып, аларга акыйкат жалгандан айырмаланып билинүүсү үчүн бул Куранда ар түрдүү мисалдарды келтирдик. Оо, пайгамбар! Эгерде сен аларга чындылдыгыңды билдирген далил алып келсең, Аллахка каапырлык кылгандар: «Силер өзүңөр алып келген нерседе анык жалганчысыңар» – деп айтышат.
التفاسير:
59
:
30
كَذَٰلِكَ يَطۡبَعُ ٱللَّهُ عَلَىٰ قُلُوبِ ٱلَّذِينَ لَا يَعۡلَمُونَ
Сен алып келген аятка ыйман келтирбегендердин жүрөктөрүнө мөөр басылган сыяктуу Аллах сен аларга алып келгенди акыйкат деп билбеген бардык адамдардын жүрөктөрүнө мөөр басат.
التفاسير:
60
:
30
فَٱصۡبِرۡ إِنَّ وَعۡدَ ٱللَّهِ حَقّٞۖ وَلَا يَسۡتَخِفَّنَّكَ ٱلَّذِينَ لَا يُوقِنُونَ
Оо, пайгамбар! Элиңдин сени жалганга чыгарганына сабыр кыл! Чындыгында Аллах сени жеңишке, кубаттуулукка жеткирип, диниңди бекем орнотуу тууралуу убадасы шексиз ишке ашат. Андыктан кайра тирилүүгө ишенбегендер сени шаштырууга жана сабырсыздык кылууга түртпөсүн.
التفاسير:
Benefits of the verses in this page:
• يأس الكافرين من رحمة الله عند نزول البلاء.
Каапырлар кыйынчылыкка кабылган кезде Аллахтын ырайымынан үмүт үзүшөт.
• هداية التوفيق بيد الله، وليست بيد الرسول صلى الله عليه وسلم.
Туура жолго салуу пайгамбардын эмес, Аллахтын колунда.
• مراحل العمر عبرة لمن يعتبر.
Өмүр курактары – ой жүгүртөн адамдар үчүн үлгү-сабак болот.
• الختم على القلوب سببه الذنوب.
Жүрөктөргө мөөрдүн басылуусу күнөөлөр себептен болот.
