Tradução dos significados do Nobre Qur’an. - Tradução usbeque de interpretação abreviada do Nobre Alcorão.
Número de página:
20
:
47
وَيَقُولُ ٱلَّذِينَ ءَامَنُواْ لَوۡلَا نُزِّلَتۡ سُورَةٞۖ فَإِذَآ أُنزِلَتۡ سُورَةٞ مُّحۡكَمَةٞ وَذُكِرَ فِيهَا ٱلۡقِتَالُ رَأَيۡتَ ٱلَّذِينَ فِي قُلُوبِهِم مَّرَضٞ يَنظُرُونَ إِلَيۡكَ نَظَرَ ٱلۡمَغۡشِيِّ عَلَيۡهِ مِنَ ٱلۡمَوۡتِۖ فَأَوۡلَىٰ لَهُمۡ
Аллоҳга иймон келтирганлар Аллоҳ бир сура нозил қилиб, уруш ҳақида баён қилишини умид қиладилар. "Аллоҳ бир сура нозил қилиб, урушни ҳам зикр қилса эди", дейдилар. Эй Пайғамбар, Аллоҳ уруш ҳақидаги ҳамма ҳукмларни ўз ичига олган бир аниқ сура нозил қилганидан кейин эса қалбида шак-шубҳалар ўрмалаб юрган мунофиқларни кўрасизки, сизга худди қўрқув ва даҳшатдан ҳушини йўқотиб қўйган одамдек қарайдилар. Аллоҳ уларни огоҳлантирадики, ўша қўрқаётган нарсалари уларга жуда яқин турибди.
التفاسير:
21
:
47
طَاعَةٞ وَقَوۡلٞ مَّعۡرُوفٞۚ فَإِذَا عَزَمَ ٱلۡأَمۡرُ فَلَوۡ صَدَقُواْ ٱللَّهَ لَكَانَ خَيۡرٗا لَّهُمۡ
Аллоҳнинг амрига итоат этиб, яхши гапларни гапирсалар, ўзларига яхши бўларди. Уруш фарз қилиниб, иш жиддийлашганда эса Аллоҳга иймон келтириш ва итоат этиш ҳақидаги гапларида туриб, ваъдаларига содиқ қолсалар, мунофиқлик ва Аллоҳнинг фармонларига қарши чиқишдан кўра ўзалари учун яхшироқ бўларди.
التفاسير:
22
:
47
فَهَلۡ عَسَيۡتُمۡ إِن تَوَلَّيۡتُمۡ أَن تُفۡسِدُواْ فِي ٱلۡأَرۡضِ وَتُقَطِّعُوٓاْ أَرۡحَامَكُمۡ
Агар Аллоҳга иймон келтириш ва итоат этишдан юз ўгирсангизлар, куфру маъсиятлар ила ер юзида бузғунчилик қилиб, худди жоҳилиятда бўлганидек, қариндошлик ришталарини узиб юборишингиз ҳам ҳеч гап эмас.
التفاسير:
23
:
47
أُوْلَٰٓئِكَ ٱلَّذِينَ لَعَنَهُمُ ٱللَّهُ فَأَصَمَّهُمۡ وَأَعۡمَىٰٓ أَبۡصَٰرَهُمۡ
Ер юзида бузғунчилик қилиб, қариндошлик ришталарини узган ўша бадбахтларни Аллоҳ Ўз раҳматидан қувиб, қулоқларини ҳақни эшитмайдиган кар қилиб қўйди. Кўзларини эса ҳақни кўрмайдиган кўр қилиб қўйди. Энди улар ибрат қулоғи билан тинглаш, ибрат кўзи билан кўриш неъматидан маҳрум бахтиқаролардир.
التفاسير:
24
:
47
أَفَلَا يَتَدَبَّرُونَ ٱلۡقُرۡءَانَ أَمۡ عَلَىٰ قُلُوبٍ أَقۡفَالُهَآ
Қуръондан юз ўгираётганлар уни тадаббур қилмайдиларми? Ундаги гаплар, маънолар ҳақида фикр юритмайдиларми? Тадаббур қилганларида эди, эзгулик сари қадам босган ва ҳар қандай ёвузликдан юз ўгирган бўлардилар. Ёки уларнинг қалбларига қулф урилиб, маҳкам ёпилиб қўйилганмикин? Энди унга ҳеч қандай насиҳат, ибрат кириб бора олмайдиган бўлиб қолганмикин?
التفاسير:
25
:
47
إِنَّ ٱلَّذِينَ ٱرۡتَدُّواْ عَلَىٰٓ أَدۡبَٰرِهِم مِّنۢ بَعۡدِ مَا تَبَيَّنَ لَهُمُ ٱلۡهُدَى ٱلشَّيۡطَٰنُ سَوَّلَ لَهُمۡ وَأَمۡلَىٰ لَهُمۡ
Ҳужжат очиқ-ойдин барпо бўлиб, Муҳаммад алайҳиссаломнинг ҳақ пайғамбар экани ўз исботини топганидан кейин ҳам иймондан тониб, кофирлигу мунофиқлик сари тисарилганларга шайтон кофирлик ва мунофиқликни чиройли қилиб кўрсатган ва уларнинг қўйнини пуч ёнғоққа тўлдирган.
التفاسير:
26
:
47
ذَٰلِكَ بِأَنَّهُمۡ قَالُواْ لِلَّذِينَ كَرِهُواْ مَا نَزَّلَ ٱللَّهُ سَنُطِيعُكُمۡ فِي بَعۡضِ ٱلۡأَمۡرِۖ وَٱللَّهُ يَعۡلَمُ إِسۡرَارَهُمۡ
Адашиб, йўлдан озиб кетишларига сабаб шуки, улар Пайғамбар алайҳиссолату вассаломга нозил бўлган Қуръонни ёмон кўрадиган мушрикларга яширин тарзда: "Урушга бормаслик каби айрим ишларда сизларга итоат этамиз", дедилар. Аллоҳ уларнинг ошкора ишларини ҳам, яширин ишларини ҳам жуда яхши билади. У Зотдан бирон нарса яширин қола олмас. Улардан Ўзи истаганини Пайғамбар алайҳиссолату вассаломга ҳам кўрсатиб қўяди.
التفاسير:
27
:
47
فَكَيۡفَ إِذَا تَوَفَّتۡهُمُ ٱلۡمَلَٰٓئِكَةُ يَضۡرِبُونَ وُجُوهَهُمۡ وَأَدۡبَٰرَهُمۡ
Жон олгувчи фаришталар уларнинг юзлари ва орқаларига темирлар билан уриб, минг даҳшатли қийноқлар билан жонларини олаётганда аҳволлари нима кечади, деб ўйлайсиз?!
التفاسير:
28
:
47
ذَٰلِكَ بِأَنَّهُمُ ٱتَّبَعُواْ مَآ أَسۡخَطَ ٱللَّهَ وَكَرِهُواْ رِضۡوَٰنَهُۥ فَأَحۡبَطَ أَعۡمَٰلَهُمۡ
Бундай азобга дучор бўлишларига сабаб шуки, улар Аллоҳни ғазаблантирадиган куфр, мунофиқлик, Аллоҳга ва Пайғамбарга қарши чиқиш каби ишларга эргашдилар. Парвардигорга яқинлаштирадиган ва У Зотнинг ризосига олиб борадиган Аллоҳга иймон келтириш ва Пайғамбарга итоат этиш каби ишларни эса ёқтирмадилар. Бас, Аллоҳ уларнинг амалларини ҳабата қилди.
التفاسير:
29
:
47
أَمۡ حَسِبَ ٱلَّذِينَ فِي قُلُوبِهِم مَّرَضٌ أَن لَّن يُخۡرِجَ ٱللَّهُ أَضۡغَٰنَهُمۡ
Дилларида шак-шубҳалар ўрмалаб юрган мунофиқлар, Аллоҳ уларнинг адоватларини, ҳасадларини ошкор қилмайди, деб ўйладиларми?! Биз уларни синовлар ила албатта фош этамиз. Токи, рост иймон қайси, ёлғон иймон қайси ва мўмин ким, мунофиқ ким, ойдинлашсин.
التفاسير:
Das notas do versículo nesta página:
• التكليف بالجهاد في سبيل الله يميّز المنافقين من صفّ المؤمنين.
Аллоҳ йўлида жиҳод қилиш фарз қилиниши билан мунофиқлар мўминлар сафидан ажралиб қолдилар.
• أهمية تدبر كتاب الله، وخطر الإعراض عنه.
Аллоҳнинг китобини тадаббур қилиш ўта муҳим. Ундан юз ўгириш эса ўта хатарли.
• الإفساد في الأرض وقطع الأرحام من أسباب قلة التوفيق والبعد عن رحمة الله.
Ер юзида бузғунчилик қилиш ва қариндошлик ришталарини узиш Аллоҳнинг раҳматидан қувилиб, тавфиқдан мосуво бўлишга олиб боради.
