Kilniojo Korano reikšmių vertimas - Vertimas į suahilių k. - Ali Muhsin Al-Barvani
Al-Mursalat
وَٱلۡمُرۡسَلَٰتِ عُرۡفٗا
Naapa kwa Aya zilizo tumwa kwa ulimi wa Jibrili kumpelekea Muhammad kwa upole wa kawaida na kheri,
فَٱلۡعَٰصِفَٰتِ عَصۡفٗا
Na kwa Aya zenye kuzitwaa kwa nguvu dini nyengine zote za uwongo zikizipeperushia mbali,
وَٱلنَّٰشِرَٰتِ نَشۡرٗا
Na kwa Aya zenye kueneza hikima na uwongofu katika nyoyo za walimwengu kwa uenezi mkubwa mno,
فَٱلۡفَٰرِقَٰتِ فَرۡقٗا
Na zenye kufarikisha baina ya kweli na uwongo kwa mfarakano ulio wazi kabisa,
فَٱلۡمُلۡقِيَٰتِ ذِكۡرًا
Na zenye kuwapa watu mawaidha ya kuwanufaisha,
عُذۡرًا أَوۡ نُذۡرًا
Ili iwe ni udhuru kwao na onyo wasiwe na hoja,
إِنَّمَا تُوعَدُونَ لَوَٰقِعٞ
Hakika haya mliyo ahidiwa ya kuja Kiyama kwa yakini yatatimia tu bila ya shaka yoyote.
فَإِذَا ٱلنُّجُومُ طُمِسَتۡ
Basi nyota zitapo ondolewa kabisa,
وَإِذَا ٱلسَّمَآءُ فُرِجَتۡ
Na mbingu zitapo pasuka,
وَإِذَا ٱلۡجِبَالُ نُسِفَتۡ
Na milima ikavurugwa na ikapeperushiwa mbali na upepo,
وَإِذَا ٱلرُّسُلُ أُقِّتَتۡ
Na Mitume wakawekewa wakati maalumu wahudhurie kwa ajili ya kuwatolea ushahidi kaumu zao.
لِأَيِّ يَوۡمٍ أُجِّلَتۡ
Kwa ajili ya siku gani yametayarishwa mambo haya makubwa makubwa?
لِيَوۡمِ ٱلۡفَصۡلِ
Kwa ajili ya siku watakapo pambanuliwa baina ya viumbe.
وَمَآ أَدۡرَىٰكَ مَا يَوۡمُ ٱلۡفَصۡلِ
Na nini cha kukujuvya ina nini hiyo siku ya kupambanua?
وَيۡلٞ يَوۡمَئِذٖ لِّلۡمُكَذِّبِينَ
Ni maangamio ya milele siku hiyo kwa hao wanao kadhibisha walio waahidi Mitume!
أَلَمۡ نُهۡلِكِ ٱلۡأَوَّلِينَ
Kwani hatukuwaangamiza mataifa ya zamani yaliyo kadhibisha,
ثُمَّ نُتۡبِعُهُمُ ٱلۡأٓخِرِينَ
Na kisha tukawafuatilizia hao wenginewe tukawateketeza hali kadhaalika,
كَذَٰلِكَ نَفۡعَلُ بِٱلۡمُجۡرِمِينَ
Kwa madhambi waliyo yafanya na walivyo mkataa Mwenyezi Mungu?
وَيۡلٞ يَوۡمَئِذٖ لِّلۡمُكَذِّبِينَ
Siku hiyo ni siku ya kuteketezwa walio kadhibisha, kama tulivyo waahidi.
أَلَمۡ نَخۡلُقكُّم مِّن مَّآءٖ مَّهِينٖ
Kwani hatukukuumbeni kutokana na maji yaliyo dhalili, nayo ni manii,
فَجَعَلۡنَٰهُ فِي قَرَارٖ مَّكِينٍ
Na tukayaweka maji haya katika pahala patulivu,
إِلَىٰ قَدَرٖ مَّعۡلُومٖ
Mpaka kutimilia kuumbwa kwake na kutengenezwa kwake kwa muda anao ujua Mwenyezi Mungu.
فَقَدَرۡنَا فَنِعۡمَ ٱلۡقَٰدِرُونَ
Nasi tukaweka vipimo katika kuumbwa kwake, na kutengenezwa kwake, na kutoka kwake. Basi wabora wa kupima na kukadiria ni Sisi.
وَيۡلٞ يَوۡمَئِذٖ لِّلۡمُكَذِّبِينَ
Ole wao hao wanao kadhibisha neema za kuumba na kukadiria.
أَلَمۡ نَجۡعَلِ ٱلۡأَرۡضَ كِفَاتًا
Kwani hatukuifanya ardhi kuwa imekusanya juu ya mgongo wake
أَحۡيَآءٗ وَأَمۡوَٰتٗا
Viumbe vilivyo hai visio hisabika, na vilio kufa visio kadirika,
وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا
Na tukaweka milima iliyo thibiti imara mirefu, na tukakunywesheni maji matamu?
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo hao wanao kadhibisha neema hizi!
ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ
Siku ya kupambanua wataambiwa makafiri: Nendeni huko Motoni mliko kuwa mkikukanusha.
ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ
Nendeni kwenye joto la moshi wa Jahannamu ulio gawika kwa ukubwa wake mapande matatu.
لَّا ظَلِيلٖ وَلَا يُغۡنِي مِنَ ٱللَّهَبِ
Hapana cha kujikinga na joto la siku hiyo, wala kivuli hicho hakipunguzi joto la mwako hata kidogo.
إِنَّهَا تَرۡمِي بِشَرَرٖ كَٱلۡقَصۡرِ
Moto huo hutupa macheche yenye ukubwa kama majumba,
كَأَنَّهُۥ جِمَٰلَتٞ صُفۡرٞ
Au utaona hayo macheche kama ngamia weusi wenye kuingia rangi ya manjano.
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo wanao kanusha kwamba hizi ndizo sifa za Moto.
هَٰذَا يَوۡمُ لَا يَنطِقُونَ
Haya uliyo simuliwa yatatokea katika siku ambayo hawatatamka kitu cha kuwanufaisha,
وَلَا يُؤۡذَنُ لَهُمۡ فَيَعۡتَذِرُونَ
Wala hawatakuwa na idhini ya kutamka, wala hawatatoa udhuru, kwani hawana udhuru.
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo wanayo ikadhibisha siku hii.
هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ
Hii ndiyo siku ya kufafanua baina ya mwenye ukweli, na mwenye uwongo, kwa kuwa kila mmoja atalipwa kwa mujibu wa anavyo stahiki. Enyi mnao mkadhibisha Muhammad! Tumekujaalieni nyinyi na walio kutangulieni walio kadhibisha mfano wenu,
فَإِن كَانَ لَكُمۡ كَيۡدٞ فَكِيدُونِ
Kama mnayo hila ya kujikinga na adhabu basi fanyeni hila hiyo. Basi njooni muepukane na adhabu yangu.
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo wanayo ikadhibisha ahadi ya Mwenyezi Mungu.
إِنَّ ٱلۡمُتَّقِينَ فِي ظِلَٰلٖ وَعُيُونٖ
Hakika wachamngu wenye kujikinga na adhabu ya Mwenyezi Mungu watakuwa katika kivuli kikubwa, na chemchem zinazo miminika,
وَفَوَٰكِهَ مِمَّا يَشۡتَهُونَ
Na matunda wanayo yaonea ladha, na wanayo yapenda,
كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ
Wataambiwa kwa kuamkiwa na kukirimiwa: Kuleni na mnywe chakula na vinywaji kwa starehe kwa sababu ya vitendo vyema mlivyo kuwa mkivitenda duniani.
إِنَّا كَذَٰلِكَ نَجۡزِي ٱلۡمُحۡسِنِينَ
Hakika Sisi huwalipa mfano wa malipo hayo matukufu watu wema.
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo wanayo ikadhibisha Pepo.
كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ
Na makafiri wataambiwa: Kuleni na mjistareheshe kwa starehe isiyo baki muda mrefu, kwani hakika nyinyi ni wakosefu kwa kumshirikisha kwenu Mwenyezi Mungu.
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku hiyo wanao ikadhibisha neema.
وَإِذَا قِيلَ لَهُمُ ٱرۡكَعُواْ لَا يَرۡكَعُونَ
Na wakiambiwa: Swalini kwa ajili ya Mwenyezi Mungu, na mnyenyekeeni Yeye, hawanyenyekei wala hawaswali; bali hushikilia kiburi chao!
وَيۡلٞ يَوۡمَئِذٖ لِّلۡمُكَذِّبِينَ
Wataangamia siku wanao kadhibisha amri za Mwenyezi Mungu na makatazo yake.
فَبِأَيِّ حَدِيثِۭ بَعۡدَهُۥ يُؤۡمِنُونَ
Basi maneno gani hawa watayaamini ikiwa hawaiamini Qur'ani, na hali hii ni muujiza ulio toka mbinguni?
