Reikšmių vertimas Sūra At-Taubah - Filipinų (maguindanao) k. vertimas - Ruad vertimų centras - Puslapio numeris 199 - Kilniojo Korano enciklopedija

73 : 9

يَٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ

Seka a nabi, en-jihadi ka su manga kafir endu su manga munafiq, endu pakapasangi ka silan endu ya nilan kadtakenan su apuy a mawag a benal a kambetadan.

74 : 9

يَحۡلِفُونَ بِٱللَّهِ مَا قَالُواْ وَلَقَدۡ قَالُواْ كَلِمَةَ ٱلۡكُفۡرِ وَكَفَرُواْ بَعۡدَ إِسۡلَٰمِهِمۡ وَهَمُّواْ بِمَا لَمۡ يَنَالُواْۚ وَمَا نَقَمُوٓاْ إِلَّآ أَنۡ أَغۡنَىٰهُمُ ٱللَّهُ وَرَسُولُهُۥ مِن فَضۡلِهِۦۚ فَإِن يَتُوبُواْ يَكُ خَيۡرٗا لَّهُمۡۖ وَإِن يَتَوَلَّوۡاْ يُعَذِّبۡهُمُ ٱللَّهُ عَذَابًا أَلِيمٗا فِي ٱلدُّنۡيَا وَٱلۡأٓخِرَةِۚ وَمَا لَهُمۡ فِي ٱلۡأَرۡضِ مِن وَلِيّٖ وَلَا نَصِيرٖ

Pedsapa silan sa Allah sa dala nilan madtalu, na saben-sabenal a pidtalu nilan i kakafir endu migkafir silan sa ulyan a kina pag-Islam nilan endu aden pinagapas nilan a dala nilan mapas endu dala silan edtagas ya tabya na kinanggay nu Allah sa kanilan sa limu nin endu su sinugu nin, na amayka midtawbat silan na entuba i makagkapya sa kanilan amayka menda silan (di silan tumalima sa agama) siksan nu Allah silan sa siksa a mapasang sya dunya endu lu sa akhirat endu dala kanilan siya sa lupa i tumuldu sa kanilan endu dala tumabang sa kanilan.

75 : 9

۞ وَمِنۡهُم مَّنۡ عَٰهَدَ ٱللَّهَ لَئِنۡ ءَاتَىٰنَا مِن فَضۡلِهِۦ لَنَصَّدَّقَنَّ وَلَنَكُونَنَّ مِنَ ٱلصَّٰلِحِينَ

Aden bun sa kanilan i mibpasad sa Allah sa amayka enggan kami nin sa limu nin na mangimbenal kami sa mabagel endu makuyug kami kanu manga taw a mangamapya.

76 : 9

فَلَمَّآ ءَاتَىٰهُم مِّن فَضۡلِهِۦ بَخِلُواْ بِهِۦ وَتَوَلَّواْ وَّهُم مُّعۡرِضُونَ

Guna den bagenggay nu Allah silan kanu limu nin na inidsingit nilan endu dala manem silan paginugut sa Allah ka mimbalawag silan.

77 : 9

فَأَعۡقَبَهُمۡ نِفَاقٗا فِي قُلُوبِهِمۡ إِلَىٰ يَوۡمِ يَلۡقَوۡنَهُۥ بِمَآ أَخۡلَفُواْ ٱللَّهَ مَا وَعَدُوهُ وَبِمَا كَانُواْ يَكۡذِبُونَ

Ini-asek sa kanilan i kamunafiq sa atay nilan taman sa gay a mawli a mabaratemu nilan su Allah sabap sa da nilan tumana su pasad nilan sa Allah endu sabap kanu kapendalbut nilan.

78 : 9

أَلَمۡ يَعۡلَمُوٓاْ أَنَّ ٱللَّهَ يَعۡلَمُ سِرَّهُمۡ وَنَجۡوَىٰهُمۡ وَأَنَّ ٱللَّهَ عَلَّٰمُ ٱلۡغُيُوبِ

Ngintu di nilan katawan i gatawan nu Allah su masulen nilan endu kapagedunga nilan, endu su Allah i mataw sa gayb.

79 : 9

ٱلَّذِينَ يَلۡمِزُونَ ٱلۡمُطَّوِّعِينَ مِنَ ٱلۡمُؤۡمِنِينَ فِي ٱلصَّدَقَٰتِ وَٱلَّذِينَ لَا يَجِدُونَ إِلَّا جُهۡدَهُمۡ فَيَسۡخَرُونَ مِنۡهُمۡ سَخِرَ ٱللَّهُ مِنۡهُمۡ وَلَهُمۡ عَذَابٌ أَلِيمٌ

Silan na panilegen nilan su pedsadaqah sa sunnat kanu manga bamaginugut endu bagenggan nilan su da sa kanilan, na bagumpaken nilan intuba a manga taw a pamakakwa, su Allah i bagumpak kanu manga munafiq endu sa kanilan i siksa a sangat i kasakit nin.