Kilniojo Korano reikšmių vertimas - Kilniojo Korano sutrumpinto aiškinimo vertimas į azerbaidžaniečių k.
Puslapio numeris:
23
:
33
مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا
Möminlər arasında Allaha verdikləri əhdə sadiq qalan kişilər var. Onlar Allaha verdikləri sözün üstündə möhkəm durmuş və Allah yolunda olan cihadda səbir etmişlər. Onlardan kimisi əhdini yerinə yetirib Allah yolunda şəhid olmuş, kimisi də Onun yolunda şəhid olmasını gözləyir. O möminlər Allaha verdikləri əhdi əsla dəyişdirməyiblər, onlar əhdlərini pozan münafiqlər kimi deyillər.
التفاسير:
24
:
33
لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا
Bu ona görədir ki, Allah doğru danışanları - Allaha verdikləri əhdi yerinə yetirənləri doğruluqlarına və əhdi yerinə yetridiklərinə görə mükafatlandırsın, əhdlərini pozan münafiqlərə isə, küfrlərinə tövbə etməzdən əvvəl onları öldürməklə əzab versin, ya da onları tövbə etməyə müvəffəq etməklə tövbələrini qəbul etsin. Həqiqətən, Allah, günahlarına görə tövbə edən kimsəni bağışlayar, ona rəhm edər.
التفاسير:
25
:
33
وَرَدَّ ٱللَّهُ ٱلَّذِينَ كَفَرُواْ بِغَيۡظِهِمۡ لَمۡ يَنَالُواْ خَيۡرٗاۚ وَكَفَى ٱللَّهُ ٱلۡمُؤۡمِنِينَ ٱلۡقِتَالَۚ وَكَانَ ٱللَّهُ قَوِيًّا عَزِيزٗا
Allah qureyşliləri, ğətəfanlıları və onlarla birlikdə gələnləri qəm-qüssə və kədər içində, istədiklərinə nail olmadıqları halda geri qaytardı və onlar möminlərin kökünü kəsə bilmədilər. Döyüşdə Allah möminlərə kifayət etdi. Belə ki, onlara külək göndərdi və bəzi mələkləri nazil etdii. Allah Qüvvətlidir, Qüdrətlidir. Ona qarşı müharibə edən elə bir kimsə yoxdur ki, məğlubiyyətə uğrayıb rəzil olmasın.
التفاسير:
26
:
33
وَأَنزَلَ ٱلَّذِينَ ظَٰهَرُوهُم مِّنۡ أَهۡلِ ٱلۡكِتَٰبِ مِن صَيَاصِيهِمۡ وَقَذَفَ فِي قُلُوبِهِمُ ٱلرُّعۡبَ فَرِيقٗا تَقۡتُلُونَ وَتَأۡسِرُونَ فَرِيقٗا
Allah yəhudilərdən müttəfiqlərə yardım edənləri düşmənlərindən qorunduqları qalalarından endirdi və onların qəlbinə qorxu saldı. Siz, ey möminlər, onların bir qismini öldürdünüz, bir qismini də əsir götürdünüz.
التفاسير:
27
:
33
وَأَوۡرَثَكُمۡ أَرۡضَهُمۡ وَدِيَٰرَهُمۡ وَأَمۡوَٰلَهُمۡ وَأَرۡضٗا لَّمۡ تَطَـُٔوهَاۚ وَكَانَ ٱللَّهُ عَلَىٰ كُلِّ شَيۡءٖ قَدِيرٗا
Allah onları məhv etdikdən sonra sizi onların torpağına - əkin sahələrinə və xurma bağlarına, habelə, onların yurdlarına və digər mallarına, üstəlik, ayağınız dəyməyən Xeybərə sahib etdi. Siz ora ayaq basacaqsınız. Bu, möminlər üçün bir vəd və müjdədir. Allah hər şeyə qadirdir. Heç bir şey Ona qalib gələ bilməz.
التفاسير:
28
:
33
يَٰٓأَيُّهَا ٱلنَّبِيُّ قُل لِّأَزۡوَٰجِكَ إِن كُنتُنَّ تُرِدۡنَ ٱلۡحَيَوٰةَ ٱلدُّنۡيَا وَزِينَتَهَا فَتَعَالَيۡنَ أُمَتِّعۡكُنَّ وَأُسَرِّحۡكُنَّ سَرَاحٗا جَمِيلٗا
Ey Peyğəmbər! Zövcələrin səndən onlara daha çox mal-dövlət verməyini tələb etdikləri, sənin də onlara verməyə artıq malın olmadığı bir vaxtda zövcələrinə de: “Əgər siz dünya həyatını və onun bərbəzəyini istəyirsinizsə, gəlin sizi boşanmış qadınların məmnun qaldığı dünya malıyla məmnun edim və sizə zərər vurmadan və əziyyət vermədən sizi boşayım.
التفاسير:
29
:
33
وَإِن كُنتُنَّ تُرِدۡنَ ٱللَّهَ وَرَسُولَهُۥ وَٱلدَّارَ ٱلۡأٓخِرَةَ فَإِنَّ ٱللَّهَ أَعَدَّ لِلۡمُحۡسِنَٰتِ مِنكُنَّ أَجۡرًا عَظِيمٗا
Yox, əgər Allahın və Onun Rəsulunu razılığını qazanmaq, üstəlik, Axirət yurdunda olan Cənnəti istəyirsinizsə, öz halınıza səbir edin. Həqiqətən, Allah aranızdan səbir edib gözəl davranmaqla yaxşı işlər görənlər üçün böyük bir mükafat hazırlamışdır.”
التفاسير:
30
:
33
يَٰنِسَآءَ ٱلنَّبِيِّ مَن يَأۡتِ مِنكُنَّ بِفَٰحِشَةٖ مُّبَيِّنَةٖ يُضَٰعَفۡ لَهَا ٱلۡعَذَابُ ضِعۡفَيۡنِۚ وَكَانَ ذَٰلِكَ عَلَى ٱللَّهِ يَسِيرٗا
Ey Peyğəmbərin zövcələri! Sizlərdən hər kim açıq-aşkar bir günah iş görsə, onun tutduğu yerinə, məqamına və Peyğəmbərin (səllallahu aleyhi və səlləm) yanında olduğuna görə, qiyamət günü onun əzabı ikiqat artar. O əzabı ikiqat olaraq artırmaq, Allah üçün asandır.
التفاسير:
Šiame puslapyje pateiktų ajų nauda:
• تزكية الله لأصحاب رسول الله صلى الله عليه وسلم ، وهو شرف عظيم لهم.
Allahın, Rəsulullahın (səlllahu aleyhi və səlləm) səhabələrini təmizə çıxartması. Bu da,onlar üçün böyük bir şərəfdir.
• عون الله ونصره لعباده من حيث لا يحتسبون إذا اتقوا الله.
Allahın, Ondan qorxan bəndələrinə özlərinin də ağlına gəlmədiyi yerdən onlara kömək etməsi və qələbə bəxş etməsi.
• سوء عاقبة الغدر على اليهود الذين ساعدوا الأحزاب.
Müttəfiqlərə kömək göstərmiş yəhudilərin etdikləri xəyanətinin pis aqibəti.
• اختيار أزواج النبي صلى الله عليه وسلم رضا الله ورسوله دليل على قوة إيمانهنّ.
Peyğəmbərin (səllallahu aleyhi və səlləm) zövcələrinin, Allahın və Onun rəsulunun (səllallahu aleyhi və səlləm) rizasını seçməsi, onların imanının nə qədər qüvvətli olduğuna dəlalət edir.
