অৰ্থানুবাদ ছুৰা আল-মুৰছালাত - শ্বাহিলি অনুবাদ- আলী মুহছিন আল-বাৰওৱানী - পৃষ্ঠা নং 580 - আল-কোৰআনুল কাৰীমৰ বিশ্বকোষ

Al-Mursalat

1 : 77

وَٱلۡمُرۡسَلَٰتِ عُرۡفٗا

Naapa kwa zinazo tumwa kwa upole! 

Naapa kwa Aya zilizo tumwa kwa ulimi wa Jibrili kumpelekea Muhammad kwa upole wa kawaida na kheri,

2 : 77

فَٱلۡعَٰصِفَٰتِ عَصۡفٗا

Na zinazo vuma kwa kasi!

Na kwa Aya zenye kuzitwaa kwa nguvu dini nyengine zote za uwongo zikizipeperushia mbali,

3 : 77

وَٱلنَّٰشِرَٰتِ نَشۡرٗا

Na zikaeneza maeneo yote!

Na kwa Aya zenye kueneza hikima na uwongofu katika nyoyo za walimwengu kwa uenezi mkubwa mno,

4 : 77

فَٱلۡفَٰرِقَٰتِ فَرۡقٗا

Na zinazo farikisha zikatawanya!

Na zenye kufarikisha baina ya kweli na uwongo kwa mfarakano ulio wazi kabisa,

5 : 77

فَٱلۡمُلۡقِيَٰتِ ذِكۡرًا

Na zinazo peleka mawaidha!

Na zenye kuwapa watu mawaidha ya kuwanufaisha,

6 : 77

عُذۡرًا أَوۡ نُذۡرًا

Kwa kuudhuru au kuonya,

Ili iwe ni udhuru kwao na onyo wasiwe na hoja,

7 : 77

إِنَّمَا تُوعَدُونَ لَوَٰقِعٞ

Hakika mnayo ahidiwa bila ya shaka yatakuwa!

Hakika haya mliyo ahidiwa ya kuja Kiyama kwa yakini yatatimia tu bila ya shaka yoyote.

8 : 77

فَإِذَا ٱلنُّجُومُ طُمِسَتۡ

Wakati nyota zitakapo futwa,

Basi nyota zitapo ondolewa kabisa,

9 : 77

وَإِذَا ٱلسَّمَآءُ فُرِجَتۡ

Na mbingu zitakapo pasuliwa,

Na mbingu zitapo pasuka,

10 : 77

وَإِذَا ٱلۡجِبَالُ نُسِفَتۡ

Na milima itakapo peperushwa,

Na milima ikavurugwa na ikapeperushiwa mbali na upepo,

11 : 77

وَإِذَا ٱلرُّسُلُ أُقِّتَتۡ

Na Mitume watakapo wekewa wakati wao,

Na Mitume wakawekewa wakati maalumu wahudhurie kwa ajili ya kuwatolea ushahidi kaumu zao.

12 : 77

لِأَيِّ يَوۡمٍ أُجِّلَتۡ

Kwa siku gani hiyo wamewekewa muda huo?

Kwa ajili ya siku gani yametayarishwa mambo haya makubwa makubwa?

13 : 77

لِيَوۡمِ ٱلۡفَصۡلِ

Kwa siku ya kupambanua!

Kwa ajili ya siku watakapo pambanuliwa baina ya viumbe.

14 : 77

وَمَآ أَدۡرَىٰكَ مَا يَوۡمُ ٱلۡفَصۡلِ

Na nini kitakacho kujuulisha siku ya kupambanua ni nini?

Na nini cha kukujuvya ina nini hiyo siku ya kupambanua?

15 : 77

وَيۡلٞ يَوۡمَئِذٖ لِّلۡمُكَذِّبِينَ

Ole wao, siku hiyo hao wanao kanusha!

Ni maangamio ya milele siku hiyo kwa hao wanao kadhibisha walio waahidi Mitume!

16 : 77

أَلَمۡ نُهۡلِكِ ٱلۡأَوَّلِينَ

Kwani hatukuwaangamiza walio tangulia?

Kwani hatukuwaangamiza mataifa ya zamani yaliyo kadhibisha,

17 : 77

ثُمَّ نُتۡبِعُهُمُ ٱلۡأٓخِرِينَ

Kisha tukawafuatilizia walio fuatia?

Na kisha tukawafuatilizia hao wenginewe tukawateketeza hali kadhaalika,

18 : 77

كَذَٰلِكَ نَفۡعَلُ بِٱلۡمُجۡرِمِينَ

Ndio kama hivi tuwatendavyo wakosefu!

Kwa madhambi waliyo yafanya na walivyo mkataa Mwenyezi Mungu?

19 : 77

وَيۡلٞ يَوۡمَئِذٖ لِّلۡمُكَذِّبِينَ

Ole wao siku hiyo hao wanao kanusha!

Siku hiyo ni siku ya kuteketezwa walio kadhibisha, kama tulivyo waahidi.