ترجمة معاني القرآن الكريم - الترجمة السواحلية - علي محسن البرواني
سورة النازعات - An-Nazi'at
وَٱلنَّٰزِعَٰتِ غَرۡقٗا
Ninaapa kwa kila kilicho pewa uwezo wa kuving'oa vitu kutokana na pahala pao kwa nguvu,
وَٱلنَّٰشِطَٰتِ نَشۡطٗا
Na kwa kila kilicho pewa uwezo wa kuvitoa vitu kwa utaratibu na ulaini,
وَٱلسَّٰبِحَٰتِ سَبۡحٗا
Na kwa kila kilicho pewa mbio za kutekeleza kazi yake kwa sahala na wepesi.
فَٱلسَّٰبِقَٰتِ سَبۡقٗا
Na kwa vinavyo shindania kutimiza waajibu ulio twikwa juu yao kushindania kwa juhudi,
فَٱلۡمُدَبِّرَٰتِ أَمۡرٗا
Na vinavyo dabiri, kupanga, mambo na kuyaendesha kwa mujibu wa vilivyo khusishwa,
يَوۡمَ تَرۡجُفُ ٱلرَّاجِفَةُ
Bila ya shaka Saa ya Kiyama itafika; hiyo siku ambayo mpulizo wa mwanzo wa barugumu utavitikisa viumbe vyote,
تَتۡبَعُهَا ٱلرَّادِفَةُ
Na mpulizo huo utafuatiwa na wa pili ambao ndio utakao kuwa wa kufufuliwa watu.
قُلُوبٞ يَوۡمَئِذٖ وَاجِفَةٌ
Siku hiyo nyoyo zitapapatika kwa khofu.
أَبۡصَٰرُهَا خَٰشِعَةٞ
Macho ya watu yatakuwa na huzuni, manyonge.
يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Watu hawa husema duniani kwa kukanya kufufuliwa: Ati tutarudishwa sisi baada ya kwisha kufa, tuumbwe tena kama tulivyo kuwa?
أَءِذَا كُنَّا عِظَٰمٗا نَّخِرَةٗ
Tukisha kuwa mafupa yaliyo chakaa, ati tutarejeshwa tufufuliwe upya?
قَالُواْ تِلۡكَ إِذٗا كَرَّةٌ خَاسِرَةٞ
Wanasema, kwa kukanya na kejeli: Kurejea huko kama kukitokea basi ni marejeo ya khasara, na sisi si watu wa kukhasiri.
فَإِنَّمَا هِيَ زَجۡرَةٞ وَٰحِدَةٞ
Msidhani kurejea huko ni kuzito. Kwani hayo ni ukelele mmoja tu,
فَإِذَا هُم بِٱلسَّاهِرَةِ
Mara maiti wote watahudhurishwa kwenye ardhi ya mkusanyiko!
هَلۡ أَتَىٰكَ حَدِيثُ مُوسَىٰٓ
Ewe Muhammad! Imekufikilia hadithi ya Musa,
إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Alipo mwita Mola wake Mlezi katika bonde lilio takaswa, linalo itwa "T'uwa"?
ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
Akaambiwa: Nenda kwa Firauni aliye pindukia mpaka katika udhalimu.
فَقُلۡ هَل لَّكَ إِلَىٰٓ أَن تَزَكَّىٰ
Umwambie: Je! Huelekei kut'ahirika?
وَأَهۡدِيَكَ إِلَىٰ رَبِّكَ فَتَخۡشَىٰ
Na mimi nikuongoze upate kumjua Mola wako Mlezi, umwogope.
فَأَرَىٰهُ ٱلۡأٓيَةَ ٱلۡكُبۡرَىٰ
Musa akamwonyesha Firauni miujiza mikubwa.
فَكَذَّبَ وَعَصَىٰ
Lakini Firauni alimkadhibisha Musa kwa aliyo kuja nayo, na akamuasi kwa aliyo mwitia.
ثُمَّ أَدۡبَرَ يَسۡعَىٰ
Kisha akamgeuzia mgongo, akenda kujitahidi kumpinga.
فَحَشَرَ فَنَادَىٰ
Akawakusanya wachawi, na akawaita watu,
فَقَالَ أَنَا۠ رَبُّكُمُ ٱلۡأَعۡلَىٰ
Akasema: Mimi ndiye Mola wenu Mlezi aliye mkubwa kabisa.
فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Mwenyezi Mungu akampa adhabu kwa kauli yake ya mwisho, nayo ni vile kusema: Mimi ndiye Mola wenu Mlezi aliye mkubwa kabisa. Na akampa adhabu kwa kauli yake ya mwanzo, nayo ni kumkadhibisha Musa a.s.
إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ
Hakika katika hadithi hiyo yapo mawaidha kwa mwenye kumkhofu Mwenyezi Mungu.
ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Enyi mnao kanya kufufuliwa! Kukuumbeni nyinyi ni taabu zaidi au kuziumba mbingu, kuzikusanya sehemu zake zilio tawanyika mbali mbali,
رَفَعَ سَمۡكَهَا فَسَوَّىٰهَا
Na kunyanyua kimo chake, na zikakaa sawa hazina tafauti wala ila?
وَأَغۡطَشَ لَيۡلَهَا وَأَخۡرَجَ ضُحَىٰهَا
Na akatia kiza katika usiku wake, na akautokeza mchana wake ukawa na mwangaza?
وَٱلۡأَرۡضَ بَعۡدَ ذَٰلِكَ دَحَىٰهَآ
Na ardhi baada ya hayo akaikunjua, na akaisawazisha, ikasilihi kukaliwa na watu wake?
أَخۡرَجَ مِنۡهَا مَآءَهَا وَمَرۡعَىٰهَا
Akatoa ndani yake maji yake yanayo tibuka katika chemchem zake, na ikamiminika mito yake, na ikawa na mimea yake ya chakula kwa ajili ya watu na wanyama;
وَٱلۡجِبَالَ أَرۡسَىٰهَا
Na milima akaithibitisha imara
مَتَٰعٗا لَّكُمۡ وَلِأَنۡعَٰمِكُمۡ
Kwa ajili ya manufaa yenu na wanyama wenu mnao wafuga!
فَإِذَا جَآءَتِ ٱلطَّآمَّةُ ٱلۡكُبۡرَىٰ
Kitakapo fika Kiyama ambacho vitisho vyake vitaenea kote,
يَوۡمَ يَتَذَكَّرُ ٱلۡإِنسَٰنُ مَا سَعَىٰ
Siku atakapo kumbuka mtu vitendo vyake vya kheri au shari,
وَبُرِّزَتِ ٱلۡجَحِيمُ لِمَن يَرَىٰ
Na Jahannamu ikadhihirishwa wazi, akaiona kila mwenye macho kuwa ndio malipo,
فَأَمَّا مَن طَغَىٰ
Basi ama mwenye kupita mpaka kwa maasi yake,
وَءَاثَرَ ٱلۡحَيَوٰةَ ٱلدُّنۡيَا
Na akajichagulia nafsi yake maisha yanayo pita njia,
فَإِنَّ ٱلۡجَحِيمَ هِيَ ٱلۡمَأۡوَىٰ
Basi Moto wa Jahannamu unao babua upepo wake ndio makaazi yake wala hana mengineyo.
وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Na ama mwenye kukhofu ukubwa na utukufu wa Mola wake Mlezi, na akaizuia nafsi yake na matamanio ya kumpumbaza,
فَإِنَّ ٱلۡجَنَّةَ هِيَ ٱلۡمَأۡوَىٰ
Basi huyo nyumba ya neema ya Peponi ndio makaazi yake, wala hana penginepo.
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Ewe Muhammad! Wanakuuliza, ati, khabari za Saa ya Kiyama, itakuwa lini?
فِيمَ أَنتَ مِن ذِكۡرَىٰهَآ
Ujuzi wa hayo hauko kwako hata uwatajie.
إِلَىٰ رَبِّكَ مُنتَهَىٰهَآ
Ujuzi wa hayo uko kwa Mola wako Mlezi tu, si kwa mwenginewe. (Nabii Isa a.s. ambaye Wakristo wanasema ni Mwana wa Mungu, au ndiye Mungu, pia anasimuliwa katika Biblia kuwa hakuijua Saa na Siku ya Kiyama. Injili ya Mathayo inanukulu maneno ya Yesu: "Walakini habari ya siku ile na saa ile hakuna aijuaye, hata malaika walio mbinguni, wala Mwana, ila Baba peke yake.")
إِنَّمَآ أَنتَ مُنذِرُ مَن يَخۡشَىٰهَا
Kwani waajibu wako ni kuwaonya wanao khofu si kuwatangazia wakati wake.
كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Na wao siku watakayo iona hiyo Saa ya Kiyama ni kama kwamba hawakuishi duniani zaidi kuliko jioni moja tu, au mchana wake.
