د معناګانو ژباړه سورت مدثر - چیچوایي ژباړه - خالد ابراهیم بتیالا - د قرآن کریم دائرة المعارف

AL-Muddaththir

1 : 74

يَٰٓأَيُّهَا ٱلۡمُدَّثِّرُ

E iwe wadziphimba (nsalu)!

2 : 74

قُمۡ فَأَنذِرۡ

Imilira ndipo uwachenjeze (anthu za chilango cha Allah).

3 : 74

وَرَبَّكَ فَكَبِّرۡ

Ndipo Mbuye wako (Yekha) umkulitse (pomulemekeza).

4 : 74

وَثِيَابَكَ فَطَهِّرۡ

Ndipo nsalu zako uziyeretse (ndi madzi ku uve).

5 : 74

وَٱلرُّجۡزَ فَٱهۡجُرۡ

Ndiponso zoipa (monga mafano ndi zina zonse ) zipewe.

6 : 74

وَلَا تَمۡنُن تَسۡتَكۡثِرُ

Usapatse (anthu) ncholinga choti ulandire zambiri.

7 : 74

وَلِرَبِّكَ فَٱصۡبِرۡ

Chifukwa cha Mbuye wako, pirira (ku malamulo Ake poleka zomwe waletsa ndi kuchita zimene walamula).

8 : 74

فَإِذَا نُقِرَ فِي ٱلنَّاقُورِ

Ndipo likadzaimbidwa lipenga,

9 : 74

فَذَٰلِكَ يَوۡمَئِذٖ يَوۡمٌ عَسِيرٌ

Tsiku limenelo lidzakhala tsiku lovuta.

10 : 74

عَلَى ٱلۡكَٰفِرِينَ غَيۡرُ يَسِيرٖ

Kwa osakhulupirira, silidzakhala lofewa.

11 : 74

ذَرۡنِي وَمَنۡ خَلَقۡتُ وَحِيدٗا

Ndisiye ndiamene ndidamlenga Ndekha,

12 : 74

وَجَعَلۡتُ لَهُۥ مَالٗا مَّمۡدُودٗا

Ndipo ndampatsa chuma chambiri.

13 : 74

وَبَنِينَ شُهُودٗا

Ndi ana okhala nawo (paliponse).

14 : 74

وَمَهَّدتُّ لَهُۥ تَمۡهِيدٗا

Ndipo ndamkonzera (ulemelero), kumkonzera (kwabwino).

15 : 74

ثُمَّ يَطۡمَعُ أَنۡ أَزِيدَ

Kenako ali ndi dyera kuti ndimuonjezere (zina popanda kuthokoza).

16 : 74

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Koma sichoncho! Ndithu iye adali kutsutsa zizindikiro Zathu.

17 : 74

سَأُرۡهِقُهُۥ صَعُودًا

Ndidzamkakamiza kuchilango chovuta; (kukwera phiri la ku Moto limene sakatha kulikwera).

18 : 74

إِنَّهُۥ فَكَّرَ وَقَدَّرَ

Iye adalingalira (mu mtima mwake) ndi kukonza bwino (chonena chonyoza Qur’an).

19 : 74

فَقُتِلَ كَيۡفَ قَدَّرَ

Choncho waonongeka! Adakonza bwanji (poinyoza Qur’an)!

20 : 74

ثُمَّ قُتِلَ كَيۡفَ قَدَّرَ

Ndiponso waonongeka! Adakonza bwanji (poinyoza Qur’an)!

21 : 74

ثُمَّ نَظَرَ

Kenako adayang’anayang’ana (nkhope za anthu).

22 : 74

ثُمَّ عَبَسَ وَبَسَرَ

Kenakonso adachita tsinya ndikukwinya nkhope (kwambiri ndi mkwiyo).

23 : 74

ثُمَّ أَدۡبَرَ وَٱسۡتَكۡبَرَ

Kenakonso adanyoza choonadi ndi kudzikweza (posachivomereza),

24 : 74

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Adati: “Sichina ichi (Qur’an) koma ndi matsenga amene adalandiridwa (kuchokera kwa amatsenga akale),

25 : 74

إِنۡ هَٰذَآ إِلَّا قَوۡلُ ٱلۡبَشَرِ

Sichina ichi koma ndi mawu a anthu!”

26 : 74

سَأُصۡلِيهِ سَقَرَ

Posachedwa ndimlowetsa ku ‘Saqara.’

27 : 74

وَمَآ أَدۡرَىٰكَ مَا سَقَرُ

Nanga ndi chiyani chingakudziwitse za ‘Saqara?’

28 : 74

لَا تُبۡقِي وَلَا تَذَرُ

(Ndi moto umene) siusiya (mnofu) ndiponso siusiya (fupa),

29 : 74

لَوَّاحَةٞ لِّلۡبَشَرِ

Wopsereza ndi kudetsa khungu.

30 : 74

عَلَيۡهَا تِسۡعَةَ عَشَرَ

Kumeneko kuli khumi ndi asanu ndi anayi (alonda oyang’anira Motowo.)

31 : 74

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ndipo sitidaike oyang’anira ku Moto (kukhala anthu) koma angelo; ndipo sitidaike chiwerengero chawo koma ndimayesero kwa amene sadakhulupirire, kuti atsimikize amene adapatsidwa mabuku (zimene Qur’an ikunena za chiwerengero cha angelo a ku Moto) ndiponso kuti chionjezeke chikhulupiliro kwa amene akhulupirira, ndikuti asapeneke amene adapatsidwa mabuku pamodzi ndi okhulupirira. Ndiponso kuti amene m’mitima mwawo muli matenda (matenda achinyengo) komanso osakhulupirira anene: “Kodi Allah akulinganji pa fanizo limeneli?” Momwemo Allah akumulekelera kusokera amene wamfuna, ndipo akumuongola amene wamfuna ndipo palibe amene angadziwe magulu a nkhondo a Mbuye wako kupatula Iye mwini. (Kutchula moto ndi zam’kati mwake) sichina koma ndichenjezo kwa anthu.

32 : 74

كَلَّا وَٱلۡقَمَرِ

Sichoncho; ndikulumbilira mwezi,

33 : 74

وَٱلَّيۡلِ إِذۡ أَدۡبَرَ

Ndi usiku pamene ukuchoka,

34 : 74

وَٱلصُّبۡحِ إِذَآ أَسۡفَرَ

Ndi m’bandakucha pamene kukuyera.

35 : 74

إِنَّهَا لَإِحۡدَى ٱلۡكُبَرِ

Ndithu uwo, (moto wa Jahannam) ndi chimodzi mwa malodza akulu,

36 : 74

نَذِيرٗا لِّلۡبَشَرِ

Ndi chenjezo kwa anthu,

37 : 74

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa yemwe wafuna mwa inu kutsogola (pochita zabwino zokamthandiza tsiku louka kwa akufa) kapena kutsalira (ndi za m’dziko).

38 : 74

كُلُّ نَفۡسِۭ بِمَا كَسَبَتۡ رَهِينَةٌ

Mzimu uliwonse ukakhala chikole ndi zimene udachita.

39 : 74

إِلَّآ أَصۡحَٰبَ ٱلۡيَمِينِ

Kupatula akudzanja lamanja (Asilamu amene adadzimasula okha potembenukira kwa Allah).

40 : 74

فِي جَنَّٰتٖ يَتَسَآءَلُونَ

(Iwo) adzakhala m’minda (yosasimbika kukongola kwake) akufunsana wina ndi mnzake,

41 : 74

عَنِ ٱلۡمُجۡرِمِينَ

Za anthu oipa,

42 : 74

مَا سَلَكَكُمۡ فِي سَقَرَ

(Kuti): “Nchiyani chakulowetsani ku Moto?”

43 : 74

قَالُواْ لَمۡ نَكُ مِنَ ٱلۡمُصَلِّينَ

Adzanena: “Sitidali m’gulu la omwe adali kupemphera (Swala).

44 : 74

وَلَمۡ نَكُ نُطۡعِمُ ٱلۡمِسۡكِينَ

Ndiponso sitidali kuwadyetsa masikini.

45 : 74

وَكُنَّا نَخُوضُ مَعَ ٱلۡخَآئِضِينَ

Koma tinkangomira (m’zachabe ndi zabodza) pamodzi ndi omira (m’menemo).

46 : 74

وَكُنَّا نُكَذِّبُ بِيَوۡمِ ٱلدِّينِ

Ndiponso tidali kutsutsa za tsiku la malipiro.

47 : 74

حَتَّىٰٓ أَتَىٰنَا ٱلۡيَقِينُ

Mpaka imfa idatifika.”

48 : 74

فَمَا تَنفَعُهُمۡ شَفَٰعَةُ ٱلشَّٰفِعِينَ

Choncho siwudzawathandiza uwomboli wa awomboli.

49 : 74

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Kodi ali ndi chiyani iwo pakuti azinyozera chenjezoli (limene lili Qur’an?)

50 : 74

كَأَنَّهُمۡ حُمُرٞ مُّسۡتَنفِرَةٞ

(Akuyenda mothamanga kuti asamve chenjezoli) ngati kuti iwo ndi mbidzi zothawa,

51 : 74

فَرَّتۡ مِن قَسۡوَرَةِۭ

(Zimene) zikuthawa mkango.

52 : 74

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Ati akufuna aliyense mwa iwo apatsidwe kalata zotambasulidwa (zimene zitsimikize uthenga wa Mneneri Muhammad{s.a.w}).

53 : 74

كَلَّاۖ بَل لَّا يَخَافُونَ ٱلۡأٓخِرَةَ

Sichoncho! Koma kuti iwo sakuopa tsiku lachimaliziro.

54 : 74

كَلَّآ إِنَّهُۥ تَذۡكِرَةٞ

Sichoncho! Ndithu ichi (Qur’an) ndichikumbutso (chokwanira).

55 : 74

فَمَن شَآءَ ذَكَرَهُۥ

Choncho amene wafuna achikumbukire (amene sakufuna ndizake)!

56 : 74

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ndipo sangakumbukire pokhapokha Allah atafuna. Iye ndiye Amene ali woyenera kumuopa, ndiponso ndiye Mwini kukhululukira (amene akumuopa).