अर्थको अनुवाद सूरः त्तक्वीर - किर्गिज अनुवाद : शम्सु द्दीन हकिमोव । - पवित्र कुरअानको विश्वकोश

Таквир

1 : 81

إِذَا ٱلشَّمۡسُ كُوِّرَتۡ

Күн оролуп (нуру жоголуп),

2 : 81

وَإِذَا ٱلنُّجُومُ ٱنكَدَرَتۡ

жылдыздар (кыйрап) төгүлүп,

3 : 81

وَإِذَا ٱلۡجِبَالُ سُيِّرَتۡ

Тоолор (тытылган жүн сыяктуу) учурулуп,

4 : 81

وَإِذَا ٱلۡعِشَارُ عُطِّلَتۡ

курсагында он айлык баласы бар (кымбат баалуу) төөлөр дагы көңүл сыртында калып,^[1]

[1] Кыямат кыйроосу башталганда адамдардын көзүнө өз жанынан бөлөк эч нерсенин кызыгы калбайт: Арабдардын назарында эң баалуу деп эсептелип, аздектелген жана «Ишаар» (курсагында он айлык баласы бар) деп аталган төөлөр менен дагы эч кимдин иши болбой, кароосуз калат.

5 : 81

وَإِذَا ٱلۡوُحُوشُ حُشِرَتۡ

жапайы айбандар (үркүп, бир жерге) чогулуп,^[1]

[1] Жаралгандан бери бири-бирине кас болуп келген коён-карышкыр, кабылан-кийик сыяктуу жапайы айбандар ошол күндүн коркунучунан катуу үркүп, бир жерге чогулуп калышат.

6 : 81

وَإِذَا ٱلۡبِحَارُ سُجِّرَتۡ

деңиздер жанып – от болуп,

7 : 81

وَإِذَا ٱلنُّفُوسُ زُوِّجَتۡ

жандар бири-бирине коштолуп…^[1]

[1] Ал эми «жандардын кошулуусун» кээ бир тафсирчилер жандын денелерге кошулуп кайра тирилүүсү деп түшүндүрүшөт.

8 : 81

وَإِذَا ٱلۡمَوۡءُۥدَةُ سُئِلَتۡ

Тирүүлөй көмүп жиберилген бөбөк кыздар суралганда -

9 : 81

بِأَيِّ ذَنۢبٖ قُتِلَتۡ

Кайсы күнөө(ңөр) үчүн өлтүрүлдү(ңөр деп)...^[1]

[1] Исламга чейинки доордо арабдар эгер кыз перзент көрсө аны тирүү бойдон көмүп салышчу. Ислам келип, бул жапайы жорукту токтоткон.

10 : 81

وَإِذَا ٱلصُّحُفُ نُشِرَتۡ

Жана (бардык адамдарга) амал баракчалары таратылып,

11 : 81

وَإِذَا ٱلسَّمَآءُ كُشِطَتۡ

асман сыйрылып алынганда...

12 : 81

وَإِذَا ٱلۡجَحِيمُ سُعِّرَتۡ

Тозок (катуу) кызытылып,

13 : 81

وَإِذَا ٱلۡجَنَّةُ أُزۡلِفَتۡ

Бейиш (ыймандуу адамдарга) жакын алып келингенде…

14 : 81

عَلِمَتۡ نَفۡسٞ مَّآ أَحۡضَرَتۡ

(Ошол күнү бардык) жан (Акырет үчүн) эмне алып келгенин билет.

15 : 81

فَلَآ أُقۡسِمُ بِٱلۡخُنَّسِ

Жок. Артта кала турган жылдыздарга ант ичип,

16 : 81

ٱلۡجَوَارِ ٱلۡكُنَّسِ

(аларга) жолдош, көрүнбөгөн жылдыздарга ант ичип,

17 : 81

وَٱلَّيۡلِ إِذَا عَسۡعَسَ

(караңгысы менен) келген түнгө ант ичип,

18 : 81

وَٱلصُّبۡحِ إِذَا تَنَفَّسَ

агарган таңга ант ичип (айтамын):

19 : 81

إِنَّهُۥ لَقَوۡلُ رَسُولٖ كَرِيمٖ

Чынында, ал (Куран) Улуу Элчинин Сөзү!^[1]

[1] Бул аяттагы улуу элчи Жебирейил периште. Ал вахий кабарларын Аллахтан кабыл алып, Мухаммадга жеткирген.

20 : 81

ذِي قُوَّةٍ عِندَ ذِي ٱلۡعَرۡشِ مَكِينٖ

Арш Ээсинин^[1] алдында (Жебирейилдин) туруктуу урматы бар (жана ал) өтө күч-кубаттуу.

[1] Аллахтын

21 : 81

مُّطَاعٖ ثَمَّ أَمِينٖ

Ал жерде (жогорку жамаат арасында) сөзү өтүмдүү (жана) ишенимдүү.

22 : 81

وَمَا صَاحِبُكُم بِمَجۡنُونٖ

(Эй, мушриктер!) Силердин дайым бирге жүргөн шеригиңер (Мухаммад) жинди эмес.

23 : 81

وَلَقَدۡ رَءَاهُ بِٱلۡأُفُقِ ٱلۡمُبِينِ

Ал чынында аны (Жебирейилди) айкын мейкиндикте көргөн.

24 : 81

وَمَا هُوَ عَلَى ٱلۡغَيۡبِ بِضَنِينٖ

Жана ал кайыпты (силерден) кызгануучу эмес.^[1]

[1] Аллах ага кандай гана кайып кабарын билдирсе, бардыгын адамдарга жеткирген. Ошондой эле, кайыптагы Аллахтан келген Дин-Шарияттын бирин калтырбай элдерге жеткирген.

25 : 81

وَمَا هُوَ بِقَوۡلِ شَيۡطَٰنٖ رَّجِيمٖ

Жана ал^[1] каргышка жолуккан Шайтандын сөзү да эмес!^[2]

[1] Куран.
[2] Мушриктер «Мухаммадка эч ким сүйлөй албаган сөздөрдү жин-шайтандар үйрөтөт» дешчү.

26 : 81

فَأَيۡنَ تَذۡهَبُونَ

Эми, (чындыктан жүз буруп) кайда бара жатасыңар?!

27 : 81

إِنۡ هُوَ إِلَّا ذِكۡرٞ لِّلۡعَٰلَمِينَ

Ал (Куран) албетте, ааламдар үчүн эскертүү!

28 : 81

لِمَن شَآءَ مِنكُمۡ أَن يَسۡتَقِيمَ

Силердин араңардан оңолууну каалгандар үчүн (эскертүү!)

29 : 81

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Жана силер (оо, пенделер) ааламдардын Раббиси каалагандан башканы каалай албайсыңар!