ការបកប្រែអត្ថន័យគួរអាន - ការបកប្រែជាភាសាអ៊ូយហ្គួរលើការអធិប្បាយសង្ខេបអំពីគម្ពីគួរអាន
លេខទំព័រ:
30
:
41
إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ تَتَنَزَّلُ عَلَيۡهِمُ ٱلۡمَلَٰٓئِكَةُ أَلَّا تَخَافُواْ وَلَا تَحۡزَنُواْ وَأَبۡشِرُواْ بِٱلۡجَنَّةِ ٱلَّتِي كُنتُمۡ تُوعَدُونَ
شۈبھىسىزكى پەرۋەردىگارىمىز ئاللاھتۇر، بىزنىڭ ئۇنىڭدىن باشقا پەرۋەردىگارىمىز يوق، دېگەن ھەمدە پەرۋەردىگارىنىڭ بۇيرۇقلىرىنى بەجا كەلتۈرۈپ، چەكلىمىلىرىدىن يېنىش ئارقىلىق توغرا يولدا ماڭغانلار سەكراتقا چۈشكەن ۋاقىتلىرىدا ئۇلارغا پەرىشتىلەر چۈشۈپ مۇنداق دەيدۇ: ئۆلۈمدىن ۋە ئۆلگەندىن كىيىنكى ئىشلاردىن قورقماڭلار، دۇنيادا قالدۇرۇپ كەتكەنلىرىڭلارغا قايغۇرماڭلار، ئاللاھقا ئىمان ئېيتىپ، ياخشى ئەمەل قىلغىنىڭلارغا قارىتا دۇنيادا ۋەدە قىلىنغان جەننەت بىلەن خۇشبېشارەت ئېلىڭلار.
التفاسير:
31
:
41
نَحۡنُ أَوۡلِيَآؤُكُمۡ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَلَكُمۡ فِيهَا مَا تَشۡتَهِيٓ أَنفُسُكُمۡ وَلَكُمۡ فِيهَا مَا تَدَّعُونَ
بىز سىلەرنىڭ ھاياتىي دۇنيادىكى دوستلىرىڭلار بولۇپ، سىلەرنى توغرىغا يۈزلەندۈرۈپ، ھىمايە قىلىپ تۇراتتۇق. بىز ئاخىرەتتىمۇ سىلەرنىڭ دوستۇڭلارمىز. بىزنىڭ سىلەرگە بولغان دوستلۇقىمىز ئىزچىل داۋاملىشىدۇ. جەننەتتە سىلەر ئۈچۈن كۆڭلۈڭلار تارتقان نازۇنېئمەت ۋە ھۇزۇر - ھالاۋەتلەر بار، جەننەتتە سىلەر نېمىنى كۆڭلۈڭلار تارتىپ سورىساڭلار شۇ بار.
التفاسير:
32
:
41
نُزُلٗا مِّنۡ غَفُورٖ رَّحِيمٖ
(بۇ نېئمەتلەر) تەۋبە قىلغانلارنىڭ گۇناھلىرىنى تولىمۇ مەغپىرەت قىلغۇچى، ناھايىتى كۆيۈمچان پەرۋەردىگار تەرىپىدىن سىلەرگە رىزىق قىلىپ بېرىلگەن زىياپەتتۇر.
التفاسير:
33
:
41
وَمَنۡ أَحۡسَنُ قَوۡلٗا مِّمَّن دَعَآ إِلَى ٱللَّهِ وَعَمِلَ صَٰلِحٗا وَقَالَ إِنَّنِي مِنَ ٱلۡمُسۡلِمِينَ
ئاللاھنىڭ بىرلىكىگە ۋە ئۇنىڭ شەرىئىتىگە ئەمەل قىلىشقا چاقىرغان، پەرۋەردىگارىنى رازى قىلىدىغان ياخشى ئەمەللەرنى قىلغان ھەمدە: مەن ھەقىقەتەن ئاللاھقا بويسۇنغان مۇسۇلمانلاردىنمەن، دېگەن كىشىدىنمۇ گۈزەل سۆزلۈك بىرى بارمۇ؟ كىمكى مۇشۇلارنىڭ ھەممىنى قىلىدىكەن، ئۇ ئەڭ گۈزەل سۆزلۈك ئادەمدۇر.
التفاسير:
34
:
41
وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةٞ كَأَنَّهُۥ وَلِيٌّ حَمِيمٞ
ئاللاھنى رازى قىلىدىغان ياخشى ئەمەل ۋە ئىبادەتلەر بىلەن ئاللاھنى غەزەپلەندۈرىدىغان يامان ئىش ۋە گۇناھ - مەئسىيەتلەر باراۋەر بولمايدۇ. ئىنسانلار ئىچىدىن ساڭا يامانلىق قىلغانلارنىڭ يامانلىقىغا ياخشىلىق بىلەن جاۋاب قايتۇرغىن. شۇنداق قىلساڭ، سەن بىلەن ئارىسىدا بۇرۇن ئاداۋەت بار ئادەممۇ گوياكى سېنىڭ سىرداش دوستۇڭدەك بولۇپ قالىدۇ.
التفاسير:
35
:
41
وَمَا يُلَقَّىٰهَآ إِلَّا ٱلَّذِينَ صَبَرُواْ وَمَا يُلَقَّىٰهَآ إِلَّا ذُو حَظٍّ عَظِيمٖ
ماختاشقا سازاۋەر بۇنداق خىسلەتكە پەقەت ئەزىيەتلەرگە ۋە باشقىلارنىڭ يامانلىقلىرىغا سەۋر قىلالىغان ئادەملەرلا ئېرىشەلەيدۇ، بۇنداق خىسلەتكە پەقەت بۈيۈك نېسىۋە ئىگىلىرىلا ئېرىشەلەيدۇ. چۈنكى ئۇنىڭدا نۇرغۇنلىغان ياخشىلىق ۋە مول مەنپەئەتلەر بار.
التفاسير:
36
:
41
وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٞ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ
ئەگەر شەيتان سېنى ھەر قانداق ۋاقىتتا ۋەسۋەسە قىلسا، ئاللاھقا سىغىنىپ (شەيتاننىڭ شەررىدىن) پاناھ تىلىگىن. ئاللاھ ھەقىقەتەن سۆزلىرىڭنى ئاڭلاپ تۇرغۇچىدۇر، ئەھۋالىڭنى بىلىپ تۇرغۇچىدۇر.
التفاسير:
37
:
41
وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ
كېچە بىلەن كۈندۈزنىڭ نۆۋەت بىلەن ئالمىشىپ تۇرۇشى، قۇياش بىلەن ئاي ئاللاھنىڭ بىرلىكى ۋە ئۇلۇغلۇقىغا دالالەت قىلىدىغان مۆجىزىلىرىنىڭ جۈملىسىدىندۇر. ئەي ئىنسانلار! ئەگەر سىلەر راستىنلا ئاللاھقا ئىبادەت قىلىدىغان بولساڭلار، قۇياشقا سەجدە قىلماڭلار، ئايغىمۇ سەجدە قىلماڭلار، ئۇلارنى ياراتقان يېگانە ئاللاھقىلا سەجدە قىلىڭلار.
التفاسير:
38
:
41
فَإِنِ ٱسۡتَكۡبَرُواْ فَٱلَّذِينَ عِندَ رَبِّكَ يُسَبِّحُونَ لَهُۥ بِٱلَّيۡلِ وَٱلنَّهَارِ وَهُمۡ لَا يَسۡـَٔمُونَ۩
ئەگەر كۇپپارلار چوڭچىلىق قىلىپ، (ھەقتىن) يۈز ئۆرۈپ، ياراتقۇچى ئاللاھقا سەجدە قىلمىسا، ئاللاھنىڭ دەرگاھىدىكى پەرىشتىلەر كېچە - كۈندۈز ئاللاھقا تەسبىھ ۋە ھەمدۇسانا ئېيتىپ تۇرىدۇ، ئۇلار ئاللاھقا ئىبادەت قىلىشتىن زېرىكىپ قالمايدۇ.
التفاسير:
ក្នុងចំណោមអត្ថប្រយោជន៍នៃអាយ៉ាត់ទាំងនេះក្នុងទំព័រនេះ:
• منزلة الاستقامة عند الله عظيمة.
توغرا يولدا بولۇشنىڭ ئاللاھنىڭ دەرگاھىدىكى ئورنى بۈيۈكتۇر.
• كرامة الله لعباده المؤمنين وتولِّيه شؤونهم وشؤون مَن خلفهم.
ئاللاھ مۇئمىن بەندىلىرىنى ھۆرمەتكە ئىگە قىلىدۇ، ئۇلارنىڭ ۋە ئەۋلادلىرىنىڭ ئىشلىرىغا ئىگە بولىدۇ.
• مكانة الدعوة إلى الله، وأنها أفضل الأعمال.
ئاللاھقا دەۋەت قىلىش ئەڭ ئەۋزەل ئەمەلدۇر.
• الصبر على الإيذاء والدفع بالتي هي أحسن خُلُقان لا غنى للداعي إلى الله عنهما.
ئەزىيەتكە سەۋر قىلىش ۋە يامانلىققا ياخشىلىق بىلەن جاۋاب قايتۇرۇش ئاللاھقا دەۋەت قىلغۇچىدا بولمىسا بولمايدىغان ئەڭ گۈزەل ئەخلاقلاردۇر.
