ការបកប្រែអត្ថន័យគួរអាន - ការអធិប្បាយសង្ខេបអំពីគម្ពីគួរអានជាភាសាកូឌី
النبأ
គោលបំណងនៃជំពូក:
بيان أدلة القدرة على البعث والتخويف من العاقبة.
ڕوونکردنەوەى بەڵگەکانى توانا و دەسەڵات لەسەر زیندووکردنەوە و ترساندن لە سەرەنجام.
1
:
78
عَمَّ يَتَسَآءَلُونَ
لەچی پرسیار دەكەن ئەو هاوبەش پەیداكارانە -موشریکانە- دوای ئەوەی الله -تەعاﻻ- پێغەمبەر -صلی الله علیه وسلم-ی بۆ ڕەوانەكردوون؟!
التفاسير:
2
:
78
عَنِ ٱلنَّبَإِ ٱلۡعَظِيمِ
هەندێكیان پرسیار لە هەندێكی تریان دەكەن دەربارەی هەواڵە گەورەكە، ئەوە ئەو قورئانەیە نێردراوەتە سەر پێغەمبەرەكەیان كە هەواڵی زیندووبوونەوەی لە خۆ گرتووە.
التفاسير:
3
:
78
ٱلَّذِي هُمۡ فِيهِ مُخۡتَلِفُونَ
ئەو قورئانەی كە ئەوان جیاوازن تێیدا و وەسفی دەكەن بە جادوو یان بە هۆنراوە یان بە غەیب زانین یان بە ئەفسانەی پێشینان.
التفاسير:
4
:
78
كَلَّا سَيَعۡلَمُونَ
وانییە بەو شێوەى ئەوان گومانی بۆ دەبەن -بانگەشەی بۆ دەکەن-، ئەوانەی قورئان بەدرۆ دەزانن لەمەودا سەرەنجامی درۆی خراپی خۆیان دەزانن.
التفاسير:
5
:
78
ثُمَّ كَلَّا سَيَعۡلَمُونَ
پاشان دڵنیایان دەكاتەوە لێی جارێكی تر.
التفاسير:
6
:
78
أَلَمۡ نَجۡعَلِ ٱلۡأَرۡضَ مِهَٰدٗا
ئایا زەویمان ڕانەخستووە بۆیان و گونجاوە بۆ دامەزران ونیشتەجێبوونیان لەسەری؟!
التفاسير:
7
:
78
وَٱلۡجِبَالَ أَوۡتَادٗا
وه شاخەكانمان لەسەر زەوی وەك مێخ لێكردووه تاكو ڕێگری بكات لە هەر لەرزینەوەیەك.
التفاسير:
8
:
78
وَخَلَقۡنَٰكُمۡ أَزۡوَٰجٗا
ئێوەمان بەدیهێناوە -ئەی خەڵكینە- لەچەند جۆرێك: له نێر و له مێ.
التفاسير:
9
:
78
وَجَعَلۡنَا نَوۡمَكُمۡ سُبَاتٗا
وە خەوتنتانمان گێڕاوە بە دابڕان لە چالاكی بۆ ئەوەی بحەسێنەوە.
التفاسير:
10
:
78
وَجَعَلۡنَا ٱلَّيۡلَ لِبَاسٗا
وە شەومان گێڕاوە بە داپۆشەر بۆتان بە تاریكیەكەی وەك ئەو پۆشاكەی كە دامێنتانی پێ دادەپۆشن.
التفاسير:
11
:
78
وَجَعَلۡنَا ٱلنَّهَارَ مَعَاشٗا
وە ڕۆژمان گێڕاوە بە گۆڕەپان بۆ ئیش و گەڕان بەدوای ڕۆزیدا.
التفاسير:
12
:
78
وَبَنَيۡنَا فَوۡقَكُمۡ سَبۡعٗا شِدَادٗا
وە حەوت ئاسمانمان بەدیهێناوە بەسەرتانەوە بەهێز لە بنیادناندا و پتەو لە دروستكردندا.
التفاسير:
13
:
78
وَجَعَلۡنَا سِرَاجٗا وَهَّاجٗا
وە ڕۆژمان گێڕاوە بەچرایەكی بەهێز لە بڵێسە وڕووناكی.
التفاسير:
14
:
78
وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا
وە بارانمان باراندووە بۆتان زۆر بەخووڕ لەو هەورانەی كاتی باران بارینیان هاتووە.
التفاسير:
15
:
78
لِّنُخۡرِجَ بِهِۦ حَبّٗا وَنَبَاتٗا
بۆئەوەی بەو بارانه بڕوێنین جۆرەها دانەوێڵە وڕووەك.
التفاسير:
16
:
78
وَجَنَّٰتٍ أَلۡفَافًا
وەپێی دەڕوێنین باخی زۆر وچڕوپڕ لەزۆری بەناویەكداچوونی لقەكانی.
التفاسير:
17
:
78
إِنَّ يَوۡمَ ٱلۡفَصۡلِ كَانَ مِيقَٰتٗا
بەڕاستی ڕۆژی جیاكردنەوە لە نێوان دروستكراوەکاندا وادەیەكی دیاری كراوە بەكاتێك كە دواناكەوێت.
التفاسير:
18
:
78
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا
ئەو ڕۆژەی كە فریشتەكە (ئیسرافیل) فووی دووەم دەكات بە كەڕەنادا (سوڕ)دا ئینجا ئێوە -ئەی خەڵكینە- كۆمەڵ كۆمەڵ دێن.
التفاسير:
19
:
78
وَفُتِحَتِ ٱلسَّمَآءُ فَكَانَتۡ أَبۡوَٰبٗا
وە ئاسمان كرایەوە و درزی تێکەوت وەك دەرگای كراوە.
التفاسير:
20
:
78
وَسُيِّرَتِ ٱلۡجِبَالُ فَكَانَتۡ سَرَابًا
وە شاخەكان خرانە ڕێ هەتا بوون بە تەپوتۆزێكی پەرش وبڵاو وەك (تراویلكە:سەراب)یان لێهات.
التفاسير:
21
:
78
إِنَّ جَهَنَّمَ كَانَتۡ مِرۡصَادٗا
بەڕاستی دۆزەخ لە قەرەوڵ و چاوەڕوانیدایە.
التفاسير:
22
:
78
لِّلطَّٰغِينَ مَـَٔابٗا
شوێنی ستەمكارانە و دەگەڕێنەوە بۆی.
التفاسير:
23
:
78
لَّٰبِثِينَ فِيهَآ أَحۡقَابٗا
تیایدا دەمێننەوە سات وساڵانێكی زۆر كە كۆتایی نییە.
التفاسير:
24
:
78
لَّا يَذُوقُونَ فِيهَا بَرۡدٗا وَلَا شَرَابًا
نایچێژن تێیدا هەوایەكی ساردكەرەوە كە ساردیان بكاتەوە لەگەرمای دۆزەخ، هەروەها نایچێژن تێیدا خواردنەوەیەكی بەتام.
التفاسير:
25
:
78
إِلَّا حَمِيمٗا وَغَسَّاقٗا
نایچێژن تێیدا جگە لە ئاوی زۆر گەرم، وە ئەوەی دەچۆڕێت لە كێم وزوخاوی ئەهلی ئاگر.
التفاسير:
26
:
78
جَزَآءٗ وِفَاقًا
پاداشتێكە گونجاوە بۆ ئەوەی لەسەری بوون لە بێباوەڕی و گومڕایی.
التفاسير:
27
:
78
إِنَّهُمۡ كَانُواْ لَا يَرۡجُونَ حِسَابٗا
بەڕاستی ئەوان لە دونیادا نەدەترسان لە لێپێچینەوەی الله -تەعاﻻ- لێیان لە قیامەتدا، چونكە بەڕاستی ئەوان باوەڕیان نەدەهێنا بە زیندووبوونەوە، ئەگەر بترسانایە لە زیندووبوونەوە باوەڕیان دەهێنا بە الله -تەعاﻻ-، وە كردەوەی چاكیان ئەنجام دەدا.
التفاسير:
28
:
78
وَكَذَّبُواْ بِـَٔايَٰتِنَا كِذَّابٗا
وە دڵنیا بوون لە بەدرۆخستنەوەى ئایەتەکانمان کە نێردراو بوون بۆ پێغەمبەرەكەمان.
التفاسير:
29
:
78
وَكُلَّ شَيۡءٍ أَحۡصَيۡنَٰهُ كِتَٰبٗا
وە هەموو كردەوەكانیانمان هەژمار كردووە وڕێکمان خستووە بە نووسین ونووسراوە لە لاپەڕەی كردەوەكانیاندا.
التفاسير:
30
:
78
فَذُوقُواْ فَلَن نَّزِيدَكُمۡ إِلَّا عَذَابًا
دەی بچێژن -ئەی ستەمكاران- لەم سزا بەردەوامە، بۆتان زیاد ناكەین جگە لەسزا وئازار نەبێت بۆ سەر سزا وئازارەکانتان.
التفاسير:
ក្នុងចំណោមអត្ថប្រយោជន៍នៃអាយ៉ាត់ទាំងនេះក្នុងទំព័រនេះ:
• إحكام الله للخلق دلالة على قدرته على إعادته.
توانا وهێزی الله -تەعاﻻ- لەسەر بەدیهێنانی بوونەوەر بەشێوەیەکی تۆکمە و وردبین بەڵگەیه لەسەر توانای بەدیهێنانەوەی جارێكی تر.
• الطغيان سبب دخول النار.
یاخی بوون وسنوور تێپەڕاندان هۆكاری چوونه ئاگره.
• مضاعفة العذاب على الكفار.
زیادكردنی سزا وئازار لەسەر بێباوەڕان.
