ترجمهٔ معانی قرآن کریم - ترجمه‌ى اویغوری كتاب مختصر در تفسير قرآن كريم
شماره صفحه:
34
:
40
وَلَقَدۡ جَآءَكُمۡ يُوسُفُ مِن قَبۡلُ بِٱلۡبَيِّنَٰتِ فَمَا زِلۡتُمۡ فِي شَكّٖ مِّمَّا جَآءَكُم بِهِۦۖ حَتَّىٰٓ إِذَا هَلَكَ قُلۡتُمۡ لَن يَبۡعَثَ ٱللَّهُ مِنۢ بَعۡدِهِۦ رَسُولٗاۚ كَذَٰلِكَ يُضِلُّ ٱللَّهُ مَنۡ هُوَ مُسۡرِفٞ مُّرۡتَابٌ
شەكسىزكى سىلەرگە مۇسادىن ئىلگىرى يۇسۇفمۇ ئاللاھنىڭ يەككە - يېگانىلىكىنى كۆرسىتىدىغان روشەن دەلىل - پاكىتلارنى ئېلىپ كەلگەن ئىدى. ئەمما سىلەر داۋاملىق ئۇ ئېلىپ كەلگەن نەرسىدىن شەكتە بولۇپ، ئىنكار قىلىپ كەلدىڭلار. ھەتتا ئۇ ۋاپات بولغاندا تېخىمۇ شەكلىنىپ، گۇمانىڭلار تېخىمۇ كۈچىيىپ: ئاللاھ ئەمدى ھەرگىز پەيغەمبەر ئەۋەتمەيدۇ، دېدىڭلار. ئاللاھ تائالا ئۆزىنىڭ بەلگىلىمىلىرىدىن ئېشىپ كەتكەن، يەككە - يېگانىلىكىدە شەك قىلغان ھەر كىمنى خۇددى سىلەرنىڭ ھەقتىن ئېزىپ كەتكىنىڭلاردەك ئازدۇرىدۇ.
التفاسير:
35
:
40
ٱلَّذِينَ يُجَٰدِلُونَ فِيٓ ءَايَٰتِ ٱللَّهِ بِغَيۡرِ سُلۡطَٰنٍ أَتَىٰهُمۡۖ كَبُرَ مَقۡتًا عِندَ ٱللَّهِ وَعِندَ ٱلَّذِينَ ءَامَنُواْۚ كَذَٰلِكَ يَطۡبَعُ ٱللَّهُ عَلَىٰ كُلِّ قَلۡبِ مُتَكَبِّرٖ جَبَّارٖ
ئاللاھنىڭ ئايەتلىرىنى ئاساسسىزغا چىقىرىش ئۈچۈن ئۆزلىرىگە كەلگەن بىرەر دەلىل - پاكىتسىز دەتالاش قىلىدىغانلارنىڭ دەتالاشلىرى ئاللاھنىڭ ھەمدە ئاللاھقا ۋە ئۇنىڭ پەيغەمبەرلىرىگە ئىمان ئېيتقان كىشىلەرنىڭ نەزىرىدە ئېغىر يامان كۆرۈلىدىغان ئىشتۇر. ئاللاھ تائالا خۇددى بىزنىڭ ئايەتلىرىمىز توغرىسىدا دەتالاش قىلىشقان بۇ ئادەملەرنىڭ قەلبلىرىنى مۆھۈرلىۋەتكىنىگە ئوخشاش، ھەقىقەتتىن باش تارتقان، تەكەببۇرلۇق قىلغان ھەر كىمنىڭ قەلبىنى مۆھۈرلىۋېتىدۇ - دە، ئۇ نە توغرىنى تاپالمايدۇ، نە ياخشىلىق تەرەپكە ماڭالمايدۇ.
التفاسير:
36
:
40
وَقَالَ فِرۡعَوۡنُ يَٰهَٰمَٰنُ ٱبۡنِ لِي صَرۡحٗا لَّعَلِّيٓ أَبۡلُغُ ٱلۡأَسۡبَٰبَ
پىرئەۋن ۋەزىرى ھامانغا ئېيتتى: ئەي ھامان! ماڭا ئېگىز بىر بىنا سالغىنكى، بەلكىم مەن (ئاسمانغا بارىدىغان) يوللارنى تېپىۋالارمەن.
التفاسير:
37
:
40
أَسۡبَٰبَ ٱلسَّمَٰوَٰتِ فَأَطَّلِعَ إِلَىٰٓ إِلَٰهِ مُوسَىٰ وَإِنِّي لَأَظُنُّهُۥ كَٰذِبٗاۚ وَكَذَٰلِكَ زُيِّنَ لِفِرۡعَوۡنَ سُوٓءُ عَمَلِهِۦ وَصُدَّ عَنِ ٱلسَّبِيلِۚ وَمَا كَيۡدُ فِرۡعَوۡنَ إِلَّا فِي تَبَابٖ
ئاسمانلارغا يەتكۈزىدىغان يوللارنى تېپىۋالسام، مۇسانىڭ ھەقىقىي مەبۇد دەۋالغان مەبۇدىغا قاراپ باقارمەن. شەكسىزكى مەن مۇسانى ئۆز دەۋاسىدا چوقۇم يالغانچى، دەپ قارايمەن. پىرئەۋننىڭ ناچار قىلمىشى ئۇنىڭغا ئەنە شۇنداق چىرايلىق كۆرسىتىلدى. ئۇ ئەينى چاغدا ھاماندىن (ئورۇنسىز بىر) ئىشنى تەلەپ قىلدى ۋە ھەق يولىدىن ئازغۇنلۇق يولىغا بۇرۇۋېتىلدى. پىرئەۋن ئۆزىنىڭ ئاساسسىز سەپسەتىلىرىنى بازارغا سېلىپ، مۇسا ئېلىپ كەلگەن ھەقىقەتنى ئاساسسىزغا چىقارغانلىقى ئۈچۈن ئۇنىڭ ھىيلە - مىكرى پەقەت قۇرۇق ئاۋارىچىلىقتۇر. چۈنكى ئۇنىڭ ئاقىۋىتى زىيان تارتىش ۋە تىرىشچانلىقى بىكارغا كېتىش ھەمدە قەتئىي ئاخىرلاشمايدىغان بەدبەختلىكتۇر.
التفاسير:
38
:
40
وَقَالَ ٱلَّذِيٓ ءَامَنَ يَٰقَوۡمِ ٱتَّبِعُونِ أَهۡدِكُمۡ سَبِيلَ ٱلرَّشَادِ
پىرئەۋىن خانىدانىدىن ئىمان ئېيتقان ھېلىقى كىشى قەۋمىگە نەسىھەت قىلىپ ھەم ئۇلارغا ھەق يولنى كۆرسىتىپ ئېيتتى: ئەي قەۋمىم! ماڭا ئەگىشىڭلار. مەن سىلەرنى باشلاپ ماڭىمەن ھەمدە توغرا يولنى كۆرسىتىپ، ھەقىقەتكە يېتەكلەيمەن.
التفاسير:
39
:
40
يَٰقَوۡمِ إِنَّمَا هَٰذِهِ ٱلۡحَيَوٰةُ ٱلدُّنۡيَا مَتَٰعٞ وَإِنَّ ٱلۡأٓخِرَةَ هِيَ دَارُ ٱلۡقَرَارِ
ئەي قەۋمىم! بۇ دۇنيا تىرىكچىلىكى پەقەت ئۈزۈلۈپ قالىدىغان نازۇنېئمەتلەردىن بەھرىمەن بولۇشتۇر. شۇڭا سىلەرنى دۇنيا تىرىكچىلىكىنىڭ ئۆتكۈنچى نازۇنېئمەتلىرى ئالداپ قويمىسۇن. ئاخىرەت بولسا ئۈزۈلۈپ قالمايدىغان، مەڭگۈلۈك نېئمەتلەرنىڭ جايىدۇركى، ھەقىقىي تۇرىدىغان جاي شۇدۇر. شۇڭا ئاللاھقا ئىتائەت قىلىش ئارقىلىق شۇ جاي ئۈچۈن ئەمەل قىلىڭلار، دۇنيا تىرىكچىلىكىگە بېرىلىپ ئاخىرەت ئۈچۈن ئەمەل قىلىشتىن يۈز ئۆرۈشتىن ھەزەر ئەيلەڭلار.
التفاسير:
40
:
40
مَنۡ عَمِلَ سَيِّئَةٗ فَلَا يُجۡزَىٰٓ إِلَّا مِثۡلَهَاۖ وَمَنۡ عَمِلَ صَٰلِحٗا مِّن ذَكَرٍ أَوۡ أُنثَىٰ وَهُوَ مُؤۡمِنٞ فَأُوْلَٰٓئِكَ يَدۡخُلُونَ ٱلۡجَنَّةَ يُرۡزَقُونَ فِيهَا بِغَيۡرِ حِسَابٖ
كىمكى بىرەر يامان ئىش قىلىدىكەن، چوقۇم قىلغىنىغا تۇشلۇق جازالىنىدۇ، ئۇنىڭغا جازا كۆپەيتىلمەيدۇ. مەيلى ئەر بولسۇن ياكى ئايال بولسۇن، كىمكى ئاللاھقا ۋە ئاللاھنىڭ پەيغەمبىرىگە ئىمان ئېيتقان ھالدا ئاللاھنىڭ رازىلىقىنى كۆزلەپ ياخشى ئەمەل قىلىدىكەن، ئاشۇنداق گۈزەل سۈپەتلەرگە ئىگە بولغان بولغان كىشىلەر قىيامەت كۈنى جەننەتكە كىرىدۇ. ئاللاھ ئۇلارغا جەننەتتە ساقلاپ قويغان، مەڭگۈ ئۈزۈلۈپ قالمايدىغان، ھېسابسىز مېۋە - چېۋىلەر ۋە نېئمەتلەر بىلەن رىزىقلاندۇرىدۇ.
التفاسير:
از فواید آیات این صفحه:
• الجدال لإبطال الحق وإحقاق الباطل خصلة ذميمة، وهي من صفات أهل الضلال.
ھەقنى ناھەق، ناھەقنى ھەق قىلىش ئۈچۈن دەتالاش قىلىش ئەيىبلەشكە تېگىشلىك قىلمىش بولۇپ، بۇ ئازغۇنلارنىڭ سۈپەتلىرىدىن بىرىدۇر.
• التكبر مانع من الهداية إلى الحق.
تەكەببۇرلۇق ھەقىقەتكە يىتىشكە توسالغۇ بولىدۇ.
• إخفاق حيل الكفار ومكرهم لإبطال الحق.
كاپىرلارنىڭ ھەقنى ناھەت قىلىش ئۈچۈن قوللانغان ھىيلە - مىكىرلىرى مەغلۇبىيەتتۇر.
• وجوب الاستعداد للآخرة، وعدم الانشغال عنها بالدنيا.
ئاخىرەتكە تەييارلىق قىلىش ھەمدە دۇنياغا بېرىلىپ، ئاخىرەتنىڭ يۈز ئۆرۈمەسلىك زۆرۈردۇر.
