অৰ্থানুবাদ ছুৰা আল-ফাতিহা - মেচিডোনিয়ান অনুবাদ - মেচিডোনিয়ান উলামাসকলৰ এটা গোট - আল-কোৰআনুল কাৰীমৰ বিশ্বকোষ

ЕЛ ФАТИХА

1 : 1

بِسۡمِ ٱللَّهِ ٱلرَّحۡمَٰنِ ٱلرَّحِيمِ

1.Во името на Аллах, Семилосниот, Милостивиот!^[2]

[2] Овој ајет, кај муслиманите познат по својата оригинална форма – Бисмиллах, се пов­торува пред секое поглавје во Куранот, освен пред деветтото. Еднаш е спомнат во поглавјето Немл како дел од ајет. Се смета дека тој е интегрален дел од Куранот и дека е објавен поради раздвојување на поглавјата едно од друго.

2 : 1

ٱلۡحَمۡدُ لِلَّهِ رَبِّ ٱلۡعَٰلَمِينَ

2. Сета благодарност Му припаѓа на Аллах^[3], Господарот на световите^[4].

[3] Аллах е арапски збор за Единиот Бог. Истото значење го има арамејскиот збор Елох. Во христијанството се користи поимот Отецот, а во јудаизмот Јахве.
[4] Рабил Алемин – Господарот на световите. Зборот „Ер-Раб“ (со одреден член) го означува Оној Кој поседува сè и апсолутно располага со сè. Зборот Ел-Алемин означува сè, освен Возвишениот Аллах.

3 : 1

ٱلرَّحۡمَٰنِ ٱلرَّحِيمِ

3. Семилосниот, Милостивиот.

4 : 1

مَٰلِكِ يَوۡمِ ٱلدِّينِ

4. Владетелот на Судниот ден.

5 : 1

إِيَّاكَ نَعۡبُدُ وَإِيَّاكَ نَسۡتَعِينُ

5. Само Тебе Те обожуваме и само од Тебе помош бараме!

6 : 1

ٱهۡدِنَا ٱلصِّرَٰطَ ٱلۡمُسۡتَقِيمَ

6. Упати нè на Правиот пат^[5].

[5] Сиратул мустеким – Правиот пат, тој означува пат кој е прав и широк; тоа е пат на кој нема нагорнини, надолнини, ниту кривини.

7 : 1

صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ

7. На патот на тие на коишто благодатта им ја подари, а не на тие коишто гневот го предизвикаа ниту на тие што заталкаа!