আল-কোৰআনুল কাৰীমৰ অৰ্থানুবাদ - আল-মুখতাচাৰ ফী তাফছীৰিল কোৰআনিল কাৰীমৰ ফোলানী অনুবাদ
Simoore hajju
ছুৰাৰ উদ্দেশ্য:
تعظيم الله سبحانه وتعالى وشعائره والتسليم لأمره.
Mawninde Alla Ceniiɗo O e sariyaaji Makko e jebbilanaade yamiroore Makko.
1
:
22
يَٰٓأَيُّهَا ٱلنَّاسُ ٱتَّقُواْ رَبَّكُمۡۚ إِنَّ زَلۡزَلَةَ ٱلسَّاعَةِ شَيۡءٌ عَظِيمٞ
Ko onon yo yimɓe, huliree Joomi mon ɗoftagol ko O yamiri on kon, e nantagol ko O haɗi on kon e mu'un, anndo, ko wondata kon e Darngal ngal immorde dillugol leydi ndin e tanaa mu'un e kulaleeji ɗin, ɗum ko fiyaake mawɗo, no waɗɗii heblanorgol ɗum gollugol ko weltinta Alla.
التفاسير:
2
:
22
يَوۡمَ تَرَوۡنَهَا تَذۡهَلُ كُلُّ مُرۡضِعَةٍ عَمَّآ أَرۡضَعَتۡ وَتَضَعُ كُلُّ ذَاتِ حَمۡلٍ حَمۡلَهَا وَتَرَى ٱلنَّاسَ سُكَٰرَىٰ وَمَا هُم بِسُكَٰرَىٰ وَلَٰكِنَّ عَذَابَ ٱللَّهِ شَدِيدٞ
Ñalnde seedoytoɗon kala muyninaykun no welsindoo e ko kun muyninaynoo kon, kala sowiikun jibina ko kun sowinoo kon immorde e saɗtude kulol ngol, a yi'ay yimɓe ɓen sabu wirnagol hakkillaaji maɓɓe hiɓe wa'i wa siwruɓe immorde e saɗtude kulol Darorde nden, ɓe wonaa siwrirɓe yarugol beere, kono Lepte Alla ɗen ko sattuɗe, ɗe waasinii ɓe hakkillaaji maɓɓe ɗin.
التفاسير:
3
:
22
وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَيَتَّبِعُ كُلَّ شَيۡطَٰنٖ مَّرِيدٖ
No e yimɓe ɓen on wennjoowo e fii Bawngal Alla e dow immintingol mayɓe ɓen ko aldaa e ganndal ngal o tuugii e mu'un, o jokka e finnde makko nden e konngol makko ngol kala sanndalɗiiɗo e dow Joomi mu'un immorde e Seytanuuji ɗin, e yeesooɓe majjere nden.
التفاسير:
4
:
22
كُتِبَ عَلَيۡهِ أَنَّهُۥ مَن تَوَلَّاهُ فَأَنَّهُۥ يُضِلُّهُۥ وَيَهۡدِيهِ إِلَىٰ عَذَابِ ٱلسَّعِيرِ
Winndaama e dow on sanndalɗiiɗo immorde e Seytanuuji yimɓe e jinna wonnde kala jokkuɗo mo o goongini mo haray kanko o majjinay mo gaayi Laawol Goongawol ngol, o sogga mo haaa ka Lepte yiite ngen sabu ko o ɗowata mo kon e muuɗum immorde e keefeeru ngun e geddi ɗin.
التفاسير:
5
:
22
يَٰٓأَيُّهَا ٱلنَّاسُ إِن كُنتُمۡ فِي رَيۡبٖ مِّنَ ٱلۡبَعۡثِ فَإِنَّا خَلَقۡنَٰكُم مِّن تُرَابٖ ثُمَّ مِن نُّطۡفَةٖ ثُمَّ مِنۡ عَلَقَةٖ ثُمَّ مِن مُّضۡغَةٖ مُّخَلَّقَةٖ وَغَيۡرِ مُخَلَّقَةٖ لِّنُبَيِّنَ لَكُمۡۚ وَنُقِرُّ فِي ٱلۡأَرۡحَامِ مَا نَشَآءُ إِلَىٰٓ أَجَلٖ مُّسَمّٗى ثُمَّ نُخۡرِجُكُمۡ طِفۡلٗا ثُمَّ لِتَبۡلُغُوٓاْ أَشُدَّكُمۡۖ وَمِنكُم مَّن يُتَوَفَّىٰ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡلَا يَعۡلَمَ مِنۢ بَعۡدِ عِلۡمٖ شَيۡـٔٗاۚ وَتَرَى ٱلۡأَرۡضَ هَامِدَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡ وَأَنۢبَتَتۡ مِن كُلِّ زَوۡجِۭ بَهِيجٖ
Ko onon yo yimɓe, si tawii sikke no ka mo'on fii Kattanɗe Amen e dow immintinngol on ɓaawo mayde nden, awa taskee e tagu mo'on ngun; gomɗii Men Tagiino baaba mooɗon Aadama e mbulaare, refti Men Tagi ɓiɗɓe makko ɓen immorde e maniiyo mo gorko on werlotoo ɗum e nder rannga suddiiɗo on, refti maniyo on wonta ƴiiƴam fenndiiɗam, refti ƴiiƴam fenndiiɗam ɗam wonta huyre teewu nanndunde e huyre ƴakkaande refti huyre nden wonta tagu timmungu ngu heddoo ka rennga haa jibinaaɗo wuuruɗo yalta, maaɗum le tagu ngu timmaa rennga on fukka ɗum; fii yo Men ɓannginan on Kattanɗe Amen e Tagugol on e alhaaliiji, Men tabintina ka renngaaji ko Men Muuyi kon immorde e cawli haa ɗi jibinee e dummunne happaaɗo ɗum ko lebbi jeenay, refti Men yaltina on ka deedi neeniraaɓe mo'on ko on boobooɓe, refti fii yo on yotto faade e timmal doole e hakkil, no e mo'on on mo no maaya ado ɗum, no e mo'on kadi on mo no wuura haa o yottoo duuɓi nayewu nokku ka doole ɗen e hakkille ɗen lo'ata, haa o wonta ɓurɗo bonude alhaali diini boobo on, hara o annditataa hay e huunde ko o anndunoo kon, a yi'ay leydi ndin ko yoorundi puɗi alaa e mayri, si Men jippinii e mayri toɓo ngon ndi udditanoo puɗi ɗin, ndi ƴura sabu ɓeydagol puɗi mayri, ndi yaltina kala noone immorde e puɗi labaaɗi ndarngo.
التفاسير:
এই পৃষ্ঠাৰ আয়াতসমূহৰ পৰা সংগৃহীত কিছুমান উপকাৰী তথ্য:
• وجوب الاستعداد ليوم القيامة بزاد التقوى.
Waɗɗagol heblanorgol Ñalnde Darngal njooɓaari kulol Alla.
• شدة أهوال القيامة حيث تنسى المرضعة طفلها وتسقط الحامل حملها وتذهب عقول الناس.
saɗtude kulaleeji Darngal ngal nokku ka yejjitata muyninoowo boobo makko on reeduuju fukka reedu makko ndun hakkillaaji yimɓe ɓen yaha.
• التدرج في الخلق سُنَّة إلهية.
Jokkindirgol ka tagugol ɗum ko sunna Alla.
• دلالة الخلق الأول على إمكان البعث.
Tagu aranu ngun no tinndina e dow weeɓugol Immital ngal.
• ظاهرة المطر وما يتبعها من إنبات الأرض دليل ملموس على بعث الأموات.
Ko feeñi e toɓo ngon e ko jokki ngo kon immorde fuɗinngol leydi ndin ɗum ko daliili memotooɗo e dow immintingol mayɓe ɓen.
