অৰ্থানুবাদ ছুৰা আল-লাইল - চিচেৱা অনুবাদ- খালিদ ইব্ৰাহীম বেতালা - পৃষ্ঠা নং 595 - আল-কোৰআনুল কাৰীমৰ বিশ্বকোষ

Al-Lail

1 : 92

وَٱلَّيۡلِ إِذَا يَغۡشَىٰ

Ndikulumbilira usiku pamene ukuphimba (chilichonse).

2 : 92

وَٱلنَّهَارِ إِذَا تَجَلَّىٰ

Ndi usana pamene kukuyera.

3 : 92

وَمَا خَلَقَ ٱلذَّكَرَ وَٱلۡأُنثَىٰٓ

Ndiponso Yemwe adalenga chachimuna ndi chachikazi.

4 : 92

إِنَّ سَعۡيَكُمۡ لَشَتَّىٰ

Ndithu zochita zanu nzosiyanasiyana.^[446]

[446] Tanthauzo lake ndikuti mwa anthu alipo ena amene amachita zabwino ndipo ena amachita zoipa. Ena amagwira ntchito zothandiza pambuyo pa imfa pamodzi ndi kutumikira Allah. Ndipo pali ena omwe amangokhala otanganidwa ndi zadziko lapansi. Ena amachita zinthu zopindula pomwe ena satero.

5 : 92

فَأَمَّا مَنۡ أَعۡطَىٰ وَٱتَّقَىٰ

Tsono yemwe akupereka (pa njira ya Allah) ndikumamuopa (Mbuye wake ndikupewa zoletsedwa),^[447]

[447] Tanthauzo lake apa ndikupereka chuma ndi kudzipereka pa zauzimu. Ndiye kuti munthu agwiritsire ntchito chuma chake m’njira ya Allah ndiponso kwa anthu anzake. Ayeneranso kudzipereka iye mwini pa moyo wauzimu.

6 : 92

وَصَدَّقَ بِٱلۡحُسۡنَىٰ

Ndikumavomereza zinthu zabwino; (komwe kuli kukhulupirira Allah mwanzeru),^[448]

[448] Tanthauzo la “Kuvomereza zinthu zabwino” ndiko kugwirizana nazo zimene Allah walamula, chifukwa chakuti Iye amalamula zinthu zabwino zokhazokha ndikuletsa zoipa.

7 : 92

فَسَنُيَسِّرُهُۥ لِلۡيُسۡرَىٰ

Choncho timufewetsera njira yompititsa ku zabwino.^[449]

[449] Tanthauzo la Ayah imeneyi ndikuti: Timufewetsera njira yochitira zinthu zabwino mpaka kufikira kuti akapanda kuchita chinthu chabwino sapeza mtendere mu mtima mwake.

8 : 92

وَأَمَّا مَنۢ بَخِلَ وَٱسۡتَغۡنَىٰ

Koma uyo achite umbombo ndikuganiza za kuti iye payekha ngokwana;

9 : 92

وَكَذَّبَ بِٱلۡحُسۡنَىٰ

Ndi kumatsutsa zinthu zabwino,